O Decreto 356/1996, do 13 de setembro (DOG do 26 de setembro), crea os institutos de educación secundaria que se relacionan no anexo da presente orde.
O Real decreto 986/1991, do 14 de xuño, polo que se aproba o calendario de aplicación da nova ordenación do sistema educativo, establece no artigo 21.1º que as administracións educativas poderán dispoñe-la implantación da educación secundaria obrigatoria nun número determinado de centros, con anterioridade ós prazos previstos no mencionado real decreto.
En consecuencia, esta consellería, de conformidade co establecido no artigo 2 do Decreto 356/1996, do 13 de setembro, no artigo 21.1º do Real decreto 986/1991, do 14 de xuño, no Decreto 78/1993, do 25 de febreiro (DOG do 2 de abril), polo que se establece o currículo da educación secundaria obrigatoria na Comunidade Autónoma de Galicia e na Orde do 25 de abril de 1994 (DOG do 12 de maio) sobre avaliación na devandita etapa, e por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la posta en funcionamento dos institutos de educación secundaria relacionados no anexo da presente orde.
Segundo.-Autoriza-la implantación do segundo ciclo da educación secundaria obrigatoria nestes centros, a partir do curso académico 1996/1997.
Terceiro.-Autoriza-la Dirección Xeral de Centros e Inspección Educativa para adopta-las medidas precisas para a execución da presente orde.
Santiago de Compostela, 20 de febreiro de 1997.
Celso Currás Fernández
Conselleiro de Educación e Ordenación Universitaria
ANEXO
Provincia: A Coruña.
Concello: Ames.
Localidade: Ames.
Centro: Instituto de Educación Secundaria de Ames.
Código: 150AME01.
Enderezo: A Peregrina, s/n.
Unidades: 12 unidades.
Provincia: A Coruña.
Concello: Laracha.
Localidade: Laracha.
Centro: Instituto de Educación Secundaria de Laracha.
Código: 150LAR01.
Enderezo: r/ Rosalía de Castro, s/n - Toras.
Unidades: 16 unidades.
Provincia: Lugo.
Concello: Alfoz.
Localidade: Alfoz.
Centro: Instituto de Educación Secundaria de Alfoz.
Código: 270ALF01.
Enderezo: estrada de Mondoñedo a Ferreira do Valadouro.
Unidades: 8 unidades.
Provincia: Lugo.
Concello: Rábade.
Localidade: Rábade.
Centro: Instituto de Educación Secundaria de Rábade.
Código: 270RAB01.
Enderezo: r/ Rosalía de Castro.
Unidades: 12 unidades.
Provincia: Lugo.
Concello: Xove.
Localidade: Xove.
Centro: Instituto de Educación Secundaria de Xove.
Código: 270XOV01.
Enderezo: Lugar Agramonte-Xove.
Unidades: 8 unidades.
1805