Dentro dos programas de actividades que a Academia Galega de Seguridade ten previsto realizar no ano 1997 de forma descentralizada, e conforme as funcions atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración de dous cursos sobre a reforma do código penal, que deberán desenvolverse conforme as seguintes bases:
Primeira.-Obxectivos.
Os cursos teñen por obxectivo actualiza-los policías no coñecemento do novo código penal.
Destinatarios.
Os cursos van dirixidos ós membros dos corpos das policías locais de Galicia, e membros da unidade do CNP adscrita á Comunidade Autónoma de Galicia e, no caso de quedar prazas vacantes, ós membros do Corpo Nacional de Policía e Garda Civil.
Terceira.-Inscrición.
A inscrición dos participantes será totalmente gratuíta.
Cuarta.-Prazas.
O número de prazas que se ofertan para cada curso será de 40.
Quinta.-Solicitudes.
1. O persoal que desexe participar nestes cursos deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematara ás 14 hors, nas seguintes datas:
-Ribadeo: 23 de abril.
-A Estrada: 21 de maio.
3. As instancias deberán vir asinadas polo xefe do cadro de persoal, ou polo concelleiro de tráfico e seladas; será isto requisito indispensable para ser admitido no curso; o incumprimento deste requisito levará consigo a non admisión no devandito curso.
4. As instancias deberán enviarse á sede da Academia Galega de Seguridade: rúa de Madrid, 2-4, polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
6. Contido e duración.
Os cursos celebraranse en sesións de tarde, de luns a venres, e neles trataranse, entre outros, os seuintes temas:
Parte xeral:
Principios básicos inspiradores da reforma.
Delictos e penas. As medidas de seguridade.
Período transitorio.
Parte especial:
1. A protección da vida e a integridade física.
2. Os delictos contra a liberdade (referencia especial ós delictos relacionados coa liberdade sexual).
3. Os delictos contra o dereito ó honor, á intimidade, á propia imaxe ou á dignidade humana relacionados coa difusión de ideas, opinións ou información.
4. Os delictos relacionados coa actividade dos funcionarios públicos.
5. Os delictos contra o medio ambiente e a seguridade colectiva.
6. Os delictos contra o patrimonio e a orde socioeconómica.
7. Os delictos relacionados coa seguridade do tráfico (conducción temeraria, negativa do conductor a realiza-la proba de alcoholemia e conducción baixo os efectos de drogas e alcohol).
Sétimo.-Datas.
Os cursos celebraranse nas seguintes datas:
-Ribadeo: do 12 ó 16 de maio.
-A Estrada: do 9 ó 13 de xuño.
O horario será de 16 a 20 horas do serán.
Oitava.-Relación de admitidos.
A relación de admitidos publicarase nas seguintes datas:
-Ribadeo: o día 30 de abril.
-A Estrada: o día 28 de maio.
A relación de admitidos publicarase no taboleiro de anuncios da Academia Galega de Seguridade,
ou ben poden confirma-la súa asistencia chamando ó teléfono (981) 56 34 00.
Novena.-Lugar.
Os cursos desenvolveranse nos concellos de Ribadeo de A Estrada.
-Ribadeo: Casa do Mar, sita na r/ Clemente Martínez Pasarón, 8.
-A Estrada: Casa da Cultura, sita na Avda. Benito Vigo, 92.
Décima.-Certificado de asistencia.
Ó remate de cada curso entregaráselles un certificado de asistencia a aquelas persoas que acrediten a súa participación continuada a este, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, levará consigo a non expedición do certificado.
Úndecima.-Modificacións.
A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.
Santiago de Compostela, 5 de febreiro de 1997.
Juan José Fariñas-Ferro Rodríguez
Director xeral da Academia Galega de Seguridade
José Antonio Álvarez Vidal
Secretario xeral da Consellería de Xustiza, Interior
e Relacións Laborais
635