A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso aberto:

Obxecto: contratación dos arrendamentos que figuran en relación adxunta, de acordo cos proxectos e pregos aprobados para eles. O orzamento, prazo de entrega e o prazo de execución serán os que, así mesmo, se sinalan na relación.

Fianza provisional: 2% do orzamento de licitación do lote ou lotes ofertados.

Fianza definitiva: 4% do orzamento de licitación do lote ou lotes adxudicados.

Exposición do proxecto e pregos: o proxecto, así como o prego de cláusulas administrativas particulares, estarán a disposición dos licitadores para o seu exame durante o prazo de presentación de proposicións, os días e horas hábiles de oficina, na Dirección Xeral de Montes e de Medio Ambiente Natural da Consellería de Agricultura, Gandería e Montes (San Lázaro, s/n, Santiago de Compostela).

Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.

Presentación e apertura de proposicións: as proposición serán entregadas no Rexistro Xeral da Consellería de Agricultura, Gandería e Montes ou en calquera das vías admitidas polo artígo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 31 de marzo de 1997.

A apertura de proposicións terá lugar en acto público ás 13 horas do día 4 de abril de 1997, na sala B de reunións da Consellería de Presidencia e Administración Pública, sita no semisoto do edificio central de San Caetano, Santiago de Compostela.

Gastos de publicación: serán por conta dos adxudicatarios.

1. Arrendamento de 155 vehículos todo terreo para o transporte de persoal do S.D.C.I.F. nos anos 1997 e 1998 (0705).

Os automóbiles serán novos e en perfecto estado, e coas características que se especifican no prego de prescricións técnicas.

As ofertas presentaranse por un lote, por varios lotes ou pola totalidade dos lotes, axustándose ás condicións técnicas indicadas no apartado 1.4 do prego de prescricións técnicas, sen supera-los topes máximos establecidos no apartado 2 do mesmo prego, para cada vehículo.

Os lotes ós que poderán ofertar son:

Lote 1: provincia da Coruña: 35 automóbiles.

Lote 2: provincia de Lugo: 50 automóbiles.

Lote 3: provincia de Ourense: 45 automóbiles.

Lote 4: provincia de Pontevedra: 25 automóbiles.

Orzamento: douscentos sesenta millóns catrocentas mil pesetas (260.400.000 ptas.).

Prazo de entrega: o que figura no prego de cláusulas administrativas particulares: trinta días naturais contados a partir da sinatura do contrato.

Prazo de execución: 24 meses.

Arrendamento de 93 vehículos todo terreo para o transporte de persoal do S.D.C.I.F. nos anos 1997 e 1998 (0706).

Os automóbiles estarán en perfecto estado, e coas características que se especifican no prego de prescricións técnicas. Debido ás variacións de persoal ó longo do ano establécense dous tipos de coche segundo a duración anual do alugueiro:

Tipo C: 10 meses/ano (de febreiro a novembro).

Tipo C: 7 meses/ano (de marzo-abril a setembro-outubro dependendo das condicións meteorolóxicas)

As ofertas presentaranse por un lote, por varios lotes ou pola totalidade dos lotes, axustándose ás condicións técnicas indicadas no apartado 1.5 do prego de prescricións técnicas, sen supera-los topes

máximos establecidos no apartado 2 do mesmo prego, para cada vehículo.

Os lotes ós que poderán ofertar son:

Lote 1: provincia da Coruña: 21 automóbiles: 14 tipo c e 7 tipo c

Lote 2: provincia de Lugo: 30 automóbiles: 20 tipo c e 10 tipo c

Lote 3: provincia de Ourense: 27 automóbiles: 18 tipo c e 9 tipo c

Lote 4: provincia de Pontevedra: 15 automóbiles: 10 tipo c e 5 tipo c

Orzamento: cento cincuenta e cinco millóns de pesetas (155.000.000 de ptas.).

Prazo de entrega: o que figura no prego de cláusulas administrativas particulares: vinte días naturais contados a partir da sinatura do contrato.

Prazo de execución:

62 vehículos (Tipo C): 10 meses prorrogables.

31 vehículos (TIPO C): 7 meses prorrogables.

Santiago de Compostela, 10 de febreiro de 1997.

P.D. (Orde 13-12-1993, DOG nº 239, 14-12-1993)

Antonio L. Rosón Pérez

Secretario xeral da Consellería de Agricultura, Gandería e Montes

1080