Para os efectos previstos no artigo 9 do Decreto 2617/1966, sométese a información pública a petición de autorización da instalación eléctrica que se describe:
Solicitante: Conservas Garavilla, S.A.
Enderezo social: Virxe das Mareas, 144, 36980 O Grove.
Denominación: central de coxeración en Virxe das Mareas, 144-Meloxo.
Situación: O Grove.
Descricións técnicas: tres grupos motoalternadores con potencia de xeración unitaria de 1.740 kVA, tres transformadores de 1.800 kVA cada un, e equipo de conexión, distribución, control e protección. Sistema de almacenamento de combustible de 120 m e de recuperación da calor.
Todas aquelas pesoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Pontevedra, 14 de febreiro de 1997.
Ramón Álvarez Abad
Delegado provincial de Pontevedra
97-1318