De conformidade co establecido no artigo 27.2º da Lei 4/1988, do 26 de maio, da función pública de Galicia, e en uso das atribucións conferidas polo artigo 15.4º da mesma lei, esta consellería,

DISPÓN:

Primeiro.-Anuncia-la convocatoria para cubrir, polo sistema de libre designación, o posto de traballo que se indica no anexo I, poderán concorrer a el as persoas que reúnan as condicións sinaladas nel.

Así mesmo, de conformidade co artigo 7.2 b) do III convenio colectivo único para persoal laboral da Xunta de Galicia, no dito posto especifícanse as categorías do grupo II do citado convenio que poden acceder a el, segundo o disposto na Resolución do 24 de novembro de 1995, pola que se ordena a publicación do acordo do Consello da Xunta de Galicia, do 23 de novembro de 1995, polo que se aproban as relacións de postos de traballo da Administración da Xunta de Galicia.

Segundo.-As solicitudes para participar nesta convocatoria dirixiranse por escrito ó conselleiro de Sanidade e Servicios Sociais (edificio de San Caetano, bloque 2-2º, Santiago de Compostela), segundo o modelo que se inclúe no anexo II.

As ditas solicitudes poderanse presentar no rexistro xeral da Consellería de Sanidade e Servicios Sociais, nos das súas delegacións provinciais, nos das direccións provinciais do Sergas ou en calquera das oficinas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de quince días hábiles, contados a partir do seguinte ó da súa publicación no Diario Oficial de Galicia.

Terceiro.-Os aspirantes deberán unirlle á petición un currículum vitae e xustificar documentalmente os méritos que aleguen.

Os méritos alegados e non probados da maneira que vimos de sinalar non se terán en conta.

Cuarto.-Esta convocatoria será resolta pola Consellería de Sanidade e Servicios Sociais. A súa resolución farase pública no Diario Oficial de Galicia e poderá declararse deserta, de considerarse oportuno.

Quinto.-O prazo de toma de posesión será de tres días, se o destino anterior está na mesma localidade cá do novo destino, e dun mes, se está en localidade distinta ou comporta o reingreso ó servicio activo.

O prazo de toma de posesión empezará a contarse a partir do día seguinte ó de cesamento, que deberá producirse dentro dos tres días seguintes ó da publicación no Diario Oficial de Galicia.

Os mesmos prazos rexen para o persoal laboral, de conformidade co artigo 7.3 do devandito III convenio colectivo único.

Se a resolución comporta o reingreso ó servicio activo, o prazo de toma de posesión empezará a contarse a partir do día seguinte ó da publicación da resolución no Diario Oficial de Galicia.

Sexto.-Contra a presente orde, que esgota a vía administrativa, poderase interpoñer recurso contencioso-administrativo, previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xusticia de Galicia no prazo de dous meses a partir do día seguinte ó da súa publicación, logo de comunicarllo a esta consellería, segundo o previsto no artigo 110.3º da Lei 30/1992, do 26 de novembro, do réxime xurídico das administracións públicas e do procedemento administrativo común.

Santiago de Compostela, 13 de febreiro de 1997.

José Mª Hernández Cochón

Conselleiro de Sanidade e Servicios Sociais

ANEXO I

Código do posto: SAC994030136001001

Denominación do posto: director-administrador.

Dependencia: Fogar da 3ª Idade.

Localidade: Pontevedra.

Grupo: II.

Categoría: 1,4,5,6,17,26,30.

Plus convenio: 405.960

Observacións: funcións dirección e animación sociocultural.

9663