Dentro do programa de actividades da EGAP para 1997, e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócase un curso de protocolo administrativo, de acordo coas seguintes bases:

1. Obxectivos.

Instruí-lo persoal asistente, desde un punto de vista teórico e práctico, nas normas xerais sobre protocolo administrativo.

2. Destinatarios.

Funcionarios e persoal laboral de calquera das administracións públicas galegas, integrados nos grupos A, B, C e D ou nos grupos I, II, III e IV.

3. Solicitudes.

Os interesados que aspiren a participar no curso programado deberán solicitalo no modelo oficial que figura ó final da convocatoria, cuberto en tódolos epígrafes, xuntando, en todo caso, resgardo do ingreso segundo o establecido na base 5ª. Na solicitude faranse consta-los seguintes datos:

a) Descrición do posto de traballo actualmente desempeñado, segundo o modelo que figura ó final da convocatoria.

b) Conformidade da entidade na que presta servicios.

Cando o solicite máis dun interesado dunha mesma entidade ou organismo, deberá especificarse, en documento anexo expedido polo xefe do persoal, a orde de preferencia.

A solicitude de incorporación ó curso supón a aceptación expresa das presentes bases e das normas e procedementos polos que se rexe.

A falsidade ou ocultación de datos será motivo de exclusión automática.

4. Tramitación de solicitudes.

As solicitudes irán dirixidas ó director da EGAP e presentaranse no rexistro da Escola Galega de Administración Pública, polígono das Fontiñas, r/ de Madrid, 2-4, 15707 Santiago de Compostela, ou nas dependencias que se sinalan no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

5. Dereitos de inscrición.

Os dereitos de inscrición fíxanse en 20.000 pesetas para o persoal funcionario ou laboral das administracións públicas galegas, sempre que a función primordial do interesado no seu posto de traballo consista en tarefas protocolarias. Este punto deberá acreditarse necesariamente mediante certificado expedido polo correspondente xefe de persoal e unirase á respectiva solicitude, xuntamente cos documentos recollidos no nº. 3 destas bases.

Nos restantes casos os dereitos de inscrición fíxanse en 25.000 pesetas.

O aboamento efectuarase mediante cheque nominativo ou transferencia á conta corrente da EGAP de Caixa Galicia na oficina de organismos de Santiago de Compostela, conta restrinxida nº 2091-0388-3110000520.

De non resultar seleccionado, o importe ingresado reintegraráselle ó interesado nos 10 días seguintes á data de comezo do curso.

6. Prazo de presentación das solicitudes.

O prazo de presentación das solicitudes rematará o día 19 de marzo de 1997.

7. Selección.

As solicitudes que reúnan os requisitos das bases 3 e 5 serán seleccionadas segundo os seguintes criterios, e por esta orde:

1.-Que exista unha relación directa entre as tarefas que realiza o solicitante no desempeño do seu posto de traballo e a materia deste curso.

Esta circunstancia acreditarase mediante certificación do secretario xeral da consellería ou secretario da delegación provincial na que preste servicio o solicitante, e se fose persoal da Administración local galega este documento terá que expedilo o secretario xeral do respectivo concello ou deputación.

2.-Ter realizado un menor número de cursos relacionados cos contidos temáticos do que se convoca nos últimos cinco anos.

3.-Menor número de cursos realizados en escolas e institutos de Administración pública.

4.-A antigüidade, entendendo como tal a data de ingreso en calquera Administración.

A admisión ó curso comunicaráselles directamente ós interesados.

8. Modificacións.

A EGAP reserva para si a facultade de interpretar e resolve-las incidencias que puidesen xurdir no desenvolvemento do curso, así como a de cancelalo se o escaso número de solicitudes non xustificase a súa realización.

9. Duración.

20 horas lectivas.

10. Lugar e datas de impartición.

a) Lugar: Santiago de Compostela, sede da EGAP, rúa de Madrid, 2-4, polígono das Fontiñas.

b) Datas: Os días 7, 8, 9, 10, 11, 14 e 15 de abril de 1997.

11. Horario de clases.

Desde as 17 ata as 20 horas.

12. Certificado de aproveitamento.

A obtención do certificado de aproveitamento queda supeditada ó cumprimento destes dous requisitos:

1º. Resolución dos casos prácticos expostos polo profesorado durante o desenvolvemento do curso.

2º. Asistencia regular ás clases que se impartan, sen que en ningún caso o número de faltas por este motivo sexa igual ou superior ó 15% das horas lectivas programadas.

13. Profesorado.

Estará formado por María Esther Regueiro Fernández e Nuria Picos Piñeiro, xefa e técnica superior, respectivamente, de protocolo da presidencia da Xunta de Galicia.

14. Contido.

Os temas que constitúen o programa deste curso son os seguintes:

Tema I: cerimonial e protocolo.

a) Evolución histórica.

-Orixe do protocolo oficial en España.

-Vixencia social e política.

b) Conceptos básicos para o estudio e exercicio do protocolo cerimonial.

Tema II: estructura xerárquica do Estado.

a) A Casa Real:

* R.D. 1368/1987, do 6 de novembro, sobre réxime de títulos, tratamentos e honores da Familia Real e dos rexentes.

-Da Coroa. O Rei. A Familia Real.

-Do Príncipe Herdeiro.

-Títulos e honores.

-Da Casa de Súa Maxestade El-Rei.

b) Niveis da Administración:

-Central: ordenación dos departamentos ministeriais.

-Autonómica: ordenación das comunidades autónomas. Especial referencia á Comunidade Autónoma galega.

-Local.

Tema III: ordenamento vixente do protocolo oficial.

-Análise do R.D. 2099/1983, do 4 de agosto, de ordenamento xeral de precedencias no Estado: a súa aplicación.

-Ordenamento protocolario dos actos para desenvolver nunha Comunidade Autónoma.

-Técnicas para a ordenación de autoridades: presidencias e precedencias.

-Técnicas para a organización de actos e cerimonias.

Tema IV: clasificación dos actos.

a) Actos públicos oficiais:

-De carácter xeral.

-De carácter especial.

b) Actos públicos non oficiais:

-Organizados por institucións ou por empresas.

-De carácter privado.

Tema V: tipos de actos.

-Fórmula de xuramento no acto de toma de posesión de altos cargos e funcionarios públicos.

-Recepcións.

-Visitas oficiais.

-Asinamento no Libro de Ouro.

-Actos inaugurais.

-Colocación da primeira pedra.

-Vodas nas casas dos concellos.

-Actos fúnebres.

-Asinamento dun convenio.

-Orde do acto.

Tema VI: ámbitos específicos do protocolo.

-Honores castrenses: R.D. 834/1984, do 11 de abril, polo que se aproba o Regulamento de honores militares.

-As autoridades eclesiásticas nos actos oficiais.

-O protocolo na universidade.

-O protocolo internacional.

Tema VII: regulamento e uso da bandeira.

-Lei 39/1981, do 28 de outubro, de regulamento do uso da bandeira nacional e doutras bandeiras e insignias.

Tema VIII: regulamento e uso dos tratamentos.

Tema IX: a linguaxe administrativa.

-Comunicación escrita.

-Redacción de cartas.

-Tarxetas de visita.

-O saúdo.

Tema X: a arte de invitar.

-Modelos de invitacións.

-A importancia das confirmacións.

Tema XI: etiqueta.

-Fixación da etiqueta.

-Uso correcto da roupa de etiqueta.

Tema XII: organización de banquetes.

-Ambientación do local.

-O aperitivo.

-O menú.

-Diversos tipos de mesas.

-Presidencias: anglosaxona e francesa.

-Sistemas de ordenación: en aspas e do reloxo.

-Os discursos.

Santiago de Compostela, 18 de febreiro de 1997.

Domingo Bello Janeiro

Director da Escola Galega de Administración Pública

1140