O artigo 28.2 da Constitución española recoñece, como dereito fundamental da persoa, o dereito á folga.
O exercicio deste dereito na Administración e nas empresas, entidades e institucións públicas ou pri
vadas, que presten servicios públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1988, do 9 de xuño (DOG nº 116, do 20 de xuño de 1988), entre os que se atopa a sanidade.
O exercicio público da prestación da asistencia sanitaria non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.
O artigo 3 do citado decreto faculta os conselleiros competentes, por razón dos servicios esenciais afectados, para que, mediante orde e diante de cada situación de folga, decidan o mínimo de actividade necesaria para asegura-lo mantemento de tales servicios, así como para determina-lo persoal necesario para a súa prestación.
Convocada folga que afecta o persoal da área sanitaria zona sur de Pontevedra que se levará a cabo desde as 0 ás 24 horas do vindeiro día 20 de febreiro de 1997, oído o comité de folga, esta consellería
DISPÓN:
Artigo 1º.-A folga convocada desde as 0.00 ás 24 horas do día 20 de febreiro de 1997, que afecta o persoal da área sanitaria zona sur de Pontevedra, enténdese condicionada ó mantemento dos servicios mínimos que se establecen no anexo desta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios da institución sanitaria, en evitación de que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga, coa atención ós usuarios que, baixo ningún concepto, poden quedar desasistidos polas características do servicio dispensado.
E por iso, mantéñense os servicios mínimos necesarios para garanti-la asistencia imprescindible ós cidadáns hospitalizados, que non poden aprazarse sen consecuencias negativas para a saúde.
Entrando na análise pormenorizada dos servicios mínimos, establécense os criterios rectores da súa determinación que se corresponden cos consensuados e asinados coas centrais sindicais con motivo de folgas anteriores como a última de decembro de 1996. Os efectivos que se fixan ponderan a duración do paro convocado, así como as necesidades sanitarias de ineludible atención, e supoñen a trasposición, respecto e aplicación dos devanditos criterios ás distintas áreas asistenciais e de servicios dos centros afectados polo conflicto.
Os ditos criterios rectores recóllense do seguinte xeito:
Institucións sanitarias
-Atención especializada:
* Persoal facultativo:
I.-Cobertura do 100% da actividade urxente nun triple ámbito:
-Servicios de urxencias e gardas médicas.
-Quirófanos urxentes (xerais e de tocoloxía) para a atención dos usuarios que, ó ingresaren, requiran intervención cirúrxica inaprazable.
-Atención ós paritorios.
II.-Cobertura da actividade cirúrxica dos pacientes hospitalizados, respecto ás patoloxías que poñan en perigo a vida destes ou agraven o seu estado de saúde.
III.-Na área de hospitalización establecerase o número necesario para garanti-las visitas médicas, a atención indefectible dos pacientes hospitalizados e as altas clínicas.
IV.-No ámbito de consulta atenderanse as consideradas como urxentes ou preferentes, así como as interconsultas dos pacientes hospitalizados que o requiran, a criterio do facultativo. Así mesmo atenderanse as consultas dos pacientes desprazados.
V.-Garantirase, así mesmo, a realización das probas complementarias urxentes e as que se refiran ós pacientes hospitalizados que, ó criterio do facultativo, sexan necesarias.
VI.-Unidades especiais:
Coidados críticos: o mesmo que para un domingo ou festivo.
Diálese: o número necesario para garanti-lo coidado dos pacientes afectados.
* Persoal sanitario non facultativo:
I.-Cobertura do 100% da actividade urxente nun triple ámbito:
-Servicios de urxencias.
-Quirófanos urxentes ( xerais e de tocoloxía ) para a atención dos usuarios que, ó ingresaren, requiran intervención cirúrxica inaprazable.
-Atención ós paritorios.
II.-Na área de hospitalización establecerase o número necesario para garanti-los coidados dos pacientes hospitalizados, en correspondencia cos efectivos dun domingo ou festivo.
III.-No ámbito de consultas estableceranse nun dobre ámbito:
-Apoio á atención das consultas especializadas consideradas como urxentes ou preferentes.
-Apoio á atención das consultas ambulatorias nunha porcentaxe máxima do 25% do cadro de persoal habitual.
Neste dobre ámbito, o número de servicios mínimos non superará o 30% do cadro de persoal.
IV.-No ámbito dos servicios centrais garantirase a realización das probas complementarias urxentes e as que se refiran ós pacientes hospitalizados que, ó criterio do facultativo, sexan necesarias.
V.-Unidades especiais:
Coidados críticos: o mesmo que para un domingo ou festivo.
Diálese: o número necesario para garanti-lo coidado dos pacientes afectados.
* Persoal non sanitario:
I.-áreas de hospitalización: un número de efectivos equivalente ó dos domingos ou festivos.
II.-Servicio de admisión: un número equivalente ó dos domingos ou festivos.
III.-Cita previa: un número de efectivos que garantan a atención ó paciente que o requira, cun mínimo dun por centro e ata un máximo do 50% do cadro de persoal.
IV.-Atención ó doente: un número de efectivos que garantan a atención ó paciente que o requira, cun mínimo dun por centro e ata un máximo do 50% do cadro de persoal.
V.-Servicios de mantemento: un número equivalente cos de domingos ou festivos.
VI.-Servicios de lavandería e lencería: ata o 50% do cadro de persoal.
VII.-Limpeza: ata o 50% do cadro de persoal.
VIII.-Hostelería: un número mínimo en equivalencia cos domingos ou festivos, ou ben un 60% do cadro de persoal, segundo as necesidades de cada centro.
Coa finalidade de garanti-lo adecuado mantemento do servicio, servirase, con carácter xeral, un único menú ós doentes que non requiran dieta médica especial.
IX.-Conductores: o mesmo número do cadro de persoal de domingos ou festivos, cun mínimo, en todo caso, dun efectivo.
X.-Servicios administrativos:
* Direccións-información e control de xestión: unha persoa por cada servicio.
* De persoal: un efectivo.
* De nóminas: un efectivo.
* De subministracións: un efectivo.
* Almacéns: dous efectivos.
XI.-Outras áreas de traballo ou servicios: establecerase, con carácter xeral, un número equivalente ós domingos ou festivos.
-Atención primaria:
* Persoal facultativo:
I.-Cobertura do 100% da actividade urxente.
II.-Un facultativo xeneralista, un pediatra e un odontólogo por centro de traballo.
* Persoal sanitario non facultativo.
I.-Cobertura do 100% da actividade urxente.
II.-Un efectivo de cada categoría por centro de traballo.
* Persoal non sanitario:
I.-Cita previa: un número de efectivos que garantan a atención ó paciente que o requira, cun mínimo dun por centro de traballo.
II.-Atención ó doente: un número de efectivos que garantan a atención ó pacente que o requira, cun mínimo dun por centro de traballo.
III.-Servicios administrativos:
* Direccións-información e control de xestión: un efectivo.
* De persoal: en efectivo.
IV.-Outras áreas de traballo ou servicios: establecerase, con carácter xeral, un número equivalente ós domingos ou festivos.
*Persoal sanitario non facultativo:
I.-Cobertura do 100% da actividade urxente nun dobre ámbito:
-Servicios de urxencias.
-Quirófanos urxentes para a atención dos usuarios que, ó ingresaren, requiran intervención cirúrxica inaprazable.
II.-Na área de hospitalización establecerase o número necesario para garanti-los coidados dos pacientes hospitalizados, en correspondencia cos efectivos dun domingo ou festivo.
III.-No ámbito dos servicios centrais garantirase a realización das probas complementarias urxentes e as que se refiran ós pacientes hospitalizados que, ó criterio do facultativo, sexan necesarias.
IV.-Unidades especiais:
Coidados críticos: o mesmo que para un domingo ou festivo.
Diálese: o número necesario para garanti-lo coidado dos pacientes afectados.
* Persoal non sanitario:
I.Quirófanos: un número de efectivos equivalente ó dos domingos ou festivos.
II.-Áreas de hospitalización, urxencias e servicios centrais: un número de efectivos equivalente ó dos domingos ou festivos.
III.-Servicio de admisión: un número equivalente ó dos domingos ou festivos.
IV.-Servicios de mantemento: un número equivalente ó de domingos ou festivos.
V.-Servicios de lavandería e lencería: un número equivalente ós festivos.
VI.-Hostelería: un número mínimo en equivalencia cos domingos ou festivos.
VII.-Servicios administrativos:
* Direccións-información e control de xestión: un efectivo por cada servicio.
* De persoal: un efectivo.
* De subministracións: un efectivo.
* Almacéns: tres efectivos.
Con tales premisas determínase no anexo desta resolución, por grupos profesionais, o número de servicios mínimos do persoal afectado.
Artigo 2º.-A designación nominal, con carácter rotatorio, do persoal que deberá cubri-los distintos servicios será determinada polo director-xerente do centro e publicarase nos taboleiros de anuncios do centro de traballo.
Artigo 3º.-Os prazos e alteracións no traballo por parte do persoal necesario para o mantemento dos servicios mínimos determinados no anexo serán considerados ilegais para os efectos do establecido no artigo 16.1 do Real decreto lei 17/1977, do 4 de marzo (BOE nº 58, do 9 de marzo de 1977).
Artigo 4º.-O disposto nos artigos anteriores non significará ningún tipo de limitación dos dereitos que a normativa reguladora da folga recoñécelle ó persoal nesta situación, nin tampouco sobre a tramitación e efectos das peticións que a motiven.
Artigo 5º.-Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 17 de febreiro de 1997.
José Mª Hernández Cochón
Conselleiro de Sanidade e Servicios Sociais
Servicios mínimos en atención primaria:
* Persoal facultativo:
I.-Cobertura do 100% da actividade urxente.
II.-Un facultativo xeneralista e un pediatra por centro de traballo e quenda.
* Persoal sanitario non facultativo:
I.-Cobertura do 100% da actividade urxente.
II.-Un efectivo de cada categoría por centro de traballo e quenda.
* Persoal non sanitario:
I.-Cita previa: un número de efectivos que garantan a atención ó paciente que o requira, cun mínimo dun por centro de traballo.
II.-Atención ó paciente: un número de efectivos que garantan a atención ó paciente que o requira, cun mínimo dun por centro de traballo.
III.-Servicios administrativos:
Direccións-información e control de xestión: un efectivo.
De persoal: un efectivo.
1159