O artigo 5.2º do Decreto 442/1990, de avaliación do impacto ambiental para Galicia (DOG número 188, do 25-9-90), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental e plan de restauración da concesión mineira derivada do permiso de investigación denominada Villalba I nº 5511 BIS, situada en terreos dos concellos de Guitiriz e Vilalba, provincia de Lugo, e solicitado por Explotación de Rocas Industriales y Minerales, S.A.
Para ós efectos informativos porase a disposición dos administrados que o soliciten un exemplar del para consulta nas oficinas desta dirección xeral e as alegacións formularanse durante o prazo sinalado nas mesmas oficinas.
Santiago de Compostela, 8 de xaneiro de 1997.
Joaquín del Moral Crespo
Director xeral de Industria
213