Por orde da Consellería de Educación e Ordenación universitaria do 10 de abril de 1996 (DOG do 23), convocáronse axudas para o desenvolvemento de proxectos educativos conxuntos no marco do Programa Sócrates, Lingua, Acción E.
De conformidade co disposto no apartado décimo da citada orde,
RESOLVO:
Primeiro.-Adxudicarlles axudas, pola contía que se indica, para a realización de intercambios e encontros escolares que se desenvolvan entre o 1 de marzo de 1997 e o 30 de xuño de 1997, ós centros que figuran relacionados no anexo I. Non quedan centros en listas de espera, nin hai excluídos.
Segundo.-O libramento das axudas ós centros realizarase a través da Axencia Nacional Sócrates. A dita axencia enviará a cada un dos centros seleccionados o modelo de contrato elaborado pola Comisión Europea. Este documento deberá ser cuberto e asinado polo director do centro e remitido posteriormente a esta dirección xeral, quen o fará chegar á Axencia Nacional Sócrates.
Terceiro.-Unha vez recibidos os fondos da Comisión Europea, a Axencia Nacional Sócrates iniciará a tramitación para efectua-lo libramento das cantidades correspondentes a cada un dos centros seleccionados, de acordo co establecido nos contratos asinados polos ditos centros.
Cuarto.-De acordo coa normativa vixente, os beneficiarios deste tipo de axudas quedan obrigados a:
1. Comunicar, se é o caso, a obtención de subvencións ou axudas para a mesma finalidade de calquera Administración ou ente público ou privado, nacional ou internacional.
2. Someterse ás actuacións de comprobación que, se é o caso, poida efectua-la Consellería de Educación e Ordenación Universitaria, así como a Axencia Nacional Sócrates e a Comisión Europea.
3. Xustifica- lo correcto investimento das axudas recibidas, mediante a presentación da seguinte documentación:
3.1. Memorias.
Os centros beneficiarios enviarán orixinal e copia da memoria descritiva do Proxecto Educativo Conxunto (PEC), cunha extensión máxima de 25 folios. A dita memoria reflectirá o grao de cumprimento dos obxectivos programados, o número de alumnos participantes e a avaliación das actividades levadas a cabo, incluíndo elementos de análise por parte dos alumnos. Poderá xuntarse material audiovisual.
A memoria deberá remitirse á Dirección Xeral de Ordenación Educativa e de Formación Profesional (Edificio San Lázaro 107. 15771 Santiago de Compostela), especificando Programa Sócrates, Lingua, Acción E, no prazo dun mes desde a finalización da actividade.
3.2. Xustificación económica.
3.2.1. Certificado do director do centro que exprese que quedou cumprida a finalidade que motivou a concesión da axuda.
3.2.2. Certificación do consello escolar sobre a aplicación dada á axuda recibida, que substituirá os xustificantes orixinais, que quedarán en poder dos centros a disposición do Tribunal de Contas e da Intervención Xeneral da Administración do Estado para a realización das comprobacións oportunas no ámbito das súas respectivas competencias.
3.2.3. Ficha financeira segundo o modelo que a Axencia Nacional Sócrates enviará ó centro seleccionado xunto co contrato.
A citada xustificación económica deberá remitirse ó enderezo sinalado no apartado cuarto 3.1, e dentro do prazo marcado no mesmo apartado, exceptuando a ficha financeira, que se remitirá nos dez días seguintes á súa recepción.
Quinto.-A non xustificación da axuda percibida consonte o disposto nestas bases levará ó reintegro á Axencia Nacional Sócrates das cantidades non xustificadas e as esixencias dos xuros de demora, sen prexuízo das responsabilidades administrativas en que poida incorrer consonte os artigos 81 e 82 da vixente Lei xeral orzamentaria na súa nova redacción dada pola Lei 31/1990, do 27 de decembro.
Sexto.-Calquera alteración das condicións tidas en conta para a concesión das axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución da concesión.
Sétimo.-Contra a resolución de adxudicación, os centros interesados poderán interpoñer no prazo dun mes, recurso ordinario ante o conselleiro de Educación e Ordenación Universitaria.
Oitavo.-A presente resolución entrará en vigor ó día siguiente da súa publicación no DOG.
Santiago de Compostela, 24 de xaneiro de 1997.
José Luis Mira Lema
Director xeral de Ordenación Educativo e Formación Profesional
ANEXO I
Relación de centros beneficiarios das axudas e contía
Centro Localidade Provincia Centro asociado País Ecus
IFP Betanzos Betanzos A Coruña Liceo Scientfifico F. Buonarrotti Italia 4.500
IB Monelos A Coruña A Coruña Schonbuch-Gymnasium Alemania 2.490
IES Cacheiras Cacheiras A Coruña Lycee Saint-John Perse Francia 5.640
IB Arcebispo Xelmirez I Santiago de Compostela A Coruña College Les Molieres Francia 2.820
EFA Fonteboa Coristanco A Coruña Centre de Formation Meslay Francia 2.500
EFA Fonteboa Coristanco A Coruña Casa Escola Agrícola Campo Verde Portugal 2.000
IES Nº 4 Sar Santiago de Compostela A Coruña College Auguste Renoir Francia 3.730
IB Agra do Orzán A Coruña A Coruña Gymnasyum Am Wall Alemania 3.180
IFP As Fontiñas Santiago de Compostela A Coruña Esbjerg Handelsskole Dinamarca 6.390
IB Rosalía de Castro Santiago de Compostela A Coruña Lycee Saint Francois Xavier Francia 2.820
IES Pontepedriña Santiago de Compostela A Coruña Hauptschule an Alfonsstrasse Alemania 4.620
IFP Daviña Rey Monforte de Lemos Lugo Lycee St. Sebastien Francia 2.820
Centro Localidade Provincia Centro asociado País Ecus
IFP A Pinguela Monforte de Lemos Lugo Lycee St. Sebastien Francia 1.910
IB Monforte de Lemos Monforte de Lemos Lugo Lycee St. Sebastien Francia 4.850
IES Vilar Ponte Viveiro Lugo Great Marlow School Inglaterra 7.500
IES Vilar Ponte Viveiro Lugo College Sainte Anne Francia 4.500
IES Eduardo Blanco Amor Ourense Ourense Lycee Notre Dame du Mur Francia 5.640
IES Celanova Celanova Ourense College Moulin d'Albon Francia 1.610
IFP 12 de Octubre Ourense Ourense College Matisse/College Josquim de Pres Francia 1.410
IFP A Farixa Ourense Ourense Lycee Notre Dame du Kreisker Francia 4.240
IB Julio Prieto Nespereira Ourense Ourense Widnes Sixth Form College Inglaterra 2.720
IB Ribadavia Ribadavia Ourense College Matisse/College Josquim des Pres Francia 3.200
IB Nº 4 O Couto Ourense Ourense Lycee Henri Bergson Francia 6.140
Radio Ecca Ourense Ourense Kent Adult Education Service Inglaterra 5.500
IB Ramón María Aller Ulloa Lalín Pontevedra Lycee Ferdinand Foch Francia 4.500
IB República do Uruguai Vigo Pontevedra Bernhard Strigel Gymnasium Alemania 2.310
IB Santo Tomé do Freixeiro Vigo Pontevedra Lycee Joachim du Bellay Francia 3.530
IB Rosais 2 Vigo Pontevedra St. Wilfrid's Catholic High School Inglaterra 5.550
Colegio Apostol Santiago Vigo Pontevedra Lycee Notre Damen de la Sainte Croix Francia 2.000
Colegio Apostol Santiago Vigo Pontevedra Kent College Inglaterra 2.500
777