Vista a solicitude e a documentación achegada polo Concello de Carnota (A Coruña) con data 29

de novembro de 1996, relativa á modificación da clasificación do posto de secretaría, actualmente de clase segunda, en secretaría de clase terceira, correspondente á subescala de secretaría-intervención.

Esta Consellería da Presidencia e Administración Pública, de conformidade co establecido no artigo 159.1º do Real decreto lexislativo 781/1986, do 18 de abril, e nos artigos 2 e 9 do Real decreto 1732/1994, do 29 de xullo, e no uso das facultades que lle confire o artigo 13.2º.17 da Lei 4/1988, do 26 de maio, da función pública de Galicia,

DISPÓN:

Primeiro.-Modifica-la clasificación do posto de Secretaría do Concello de Carnota (A Coruña), reservado a funcionarios/as de Administración local con habilitación de carácter nacional, quedando establecida conforme se especifica no anexo que se xunta á presente orde.

Segundo.-Suprimi-lo posto de intervención do devandito concello.

Contra a presente orde, que é definitiva en vía administrativa, poderase interpoñer recurso contencioso-administrativo no prazo de dous meses, contados a partir do día seguinte ó da súa publicación no DOG, ante a Sala do Contencioso-Administrativo do Tribunal Superior de Xustiza de Galicia, conforme o disposto no artigo 58 da Lei reguladora da xurisdicción contencioso-administrativa, do 27 de decembro de 1956, logo de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 15 de xaneiro de 1997.

Dositeo Rodríguez Rodríguez

Conselleiro da Presidencia e Administración Pública

Anexo que se cita:

Corporación: Concello de Carnota (A Coruña).

Posto de traballo: secretaría.

Clase: 3ª

Subescala: secretaría-intervención.

675