Con data do 20 de novembro de 1996 publicouse no Diario Oficial de Galicia a Lei 10/1996, do 5 de novembro, de actuacións de entes e empresas nas que ten participación maioritaria a Xunta de Galicia en materia de persoal e contratación; no apartado 2º do artigo 7 de dita lei establécese que
as entidades ás que se refire o artigo 1 poderán acollerse para a contratación de persoal laboral temporal a un sistema de listas previo por categorías. As listas confeccionaranse, tralo pertinente anuncio público, de conformidade co baremo aprobado pola entidade respectiva.
Segundo o disposto no apartado 2º do artigo 7 da dita lei e no acordo do Padroado da fundación, do 23 de decembro de 1996, convócanse os aspirantes interesados en presenta-la súa solicitude de inscrición nas listas que se confeccionen en aplicación del co fin de que, no prazo máximo dun mes a partir do día seguinte ó da publicación desta convocatoria no Diario Oficial de Galicia, formulen a súa solicitude no modelo normalizado que lles será facilitado pola fundación, xuntando a ela os xustificantes dos méritos alegados. A presentación das solicitudes poderase facer no Centro de Transfusión de Galicia en horario de 9 a 17 horas.
Os interesados poderán recolle-las bases da convocatoria e o modelo de solicitude no Centro de Transfusión de Galicia, Avd. Monte da Condesa, s/n, 15706 Santiago de Compostela. Poderán solicitar información no teléfono 26 90 95 de 9 a 15 horas.
Só se valorarán os méritos acadados ata o día anterior á data de publciación no DOG desta convocatoria.
Santiago de Compostela, 29 de xaneiro de 1997.
Roberto García de Villaescusa Collazo
Director técnico da Fundación Centro de
Transfusión de Galicia
642