Corréspondelle á Administración impulsa-la creación e mellora de oficinas municipais de información ó consumidor (OMIC), para facilitarlles ós consu
midores e usuarios, coa maior rapidez, a información e defensa dos seus dereitos e lexítimos intereses.
En virtude disto, e de conformidade cos artigos 24 e concordantes do Estatuto galego do consumidor e usuario, e o capítulo II do Decreto 185/1994, do 16 de xuño, sobre información e orientación ó consumidor e usuario,
DISPOÑO:
Artigo 1º
O Instituto Galego de Consumo concederalles axudas ós concellos desta Comunidade Autónoma con cargo á aplicación orzamentaria 08.50.343A.460.0 dos orzamentos xerais desta comunidade para o ano 1997 cun crédidto máximo de 28.864.000 ptas., para actuacións de información e defensa dos consumidores e usuarios galegos que se realicen durante o ano 1997, a través das súas correspondentes oficinas municipais de información ó consumidor (OMIC).
As distas concesións estarán limitadas polos créditos dispoñibles para este fin.
Para que os concellos poidan beneficiarse das axudas ás que fai referencia o artigo 2º desta orde, as oficinas municipais de información ó consumidor (OMIC) deberán, ademais das derivadas do Decreto 185/1994, do 16 de xuño, cumpri-las seguintes condiciones:
a) Etar abertas ó público 5 horas diarias como mínimo e contar cun rótulo no que conste de maneira destacada o obxecto da oficina.
b) Facilitarlle ó público información e asesoramento sobre os seus dereitos como consumidor e a forma de exercelos.
c) Atende-las consultas, reclamacións e denuncias dos consumidores e usuarios colaborando para tal fin co Instituto Galego de Consumo.
Artigo 2º.-Obxecto.
O obxeto das subvencións e a que se refire o artigo anterior será o seguinte:
a) Gastos de instalación de novas oficinas municipais de información ó consumidor.
b) Gastos de funcionamento, infraestructura e equipamento das oficinas municipais de información ó consumidor xa en funcionamento.
c) Actividades de informacion, orientación, asistencia técnica, educación e formación dos consumidores e usuarios; edición e divulgación de publicacións de interese para os consumidores relacionadas coa defensa dos seus dereitos; enquisas e campañas de inspección que non teñan carácter ordinario e sempre que se realicen en coordinación cos programas do Instituto Galego de Consumo.
d) Gastos de toma de mostras para a realización de análise de calidade, sempre que as ditas análise estean incluídas no plan de actuacións do Instituto Galego de Consumo, así como gastos de material necesario para o mantemento de laboratorios de consumo vinculados ás OMICS.
e) Campañas de promoción e colaboración no funcionamento da Xunta Arbitral de Consumo de Galicia.
f) Programas mancomunais entre diferentes municipios e/ou de actuación conxunta con asociacións de consumidores referidos ós anteriores apartados c) e d).
Terase en conta de maneira preferente o apartado e) deste artigo.
Artigo 3º.-Solicitudes e documentación.
1. As solicitudes (anexo I) para acollerse ás axudas económicas previstas na presente resolución, dirixiranse ós servicios provinciais de consumo ou ó Instituto Galego de Consumo, sendo en todo caso de aplicación o disposto no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común. O prazo de presentación será de trinta días naturais contados a partir do día seguinte ó da publicación da presente orde no Diario Oficial de Galicia.
2. As solicitudes acompañaranse da seguinte documentación:
a) Certificación do acordo do órgano competente pola que se acolle á axuda, coa expresión da cantidade exacta solicitada (anexo II).
b) Certificación da poboación de feito, segundo o derradeiro censo dispoñible (anexo IV).
c) Certificación do secretario/a do concello na que se faga consta-lo horario no que a oficina permanece
aberta ó público para antede-las consultas dos consumidores e usuarios e para cursar reclamación ou denuncias que se lles presenten, e que será polo menos de cinco horas diarias ou vintecinco semanais.
d) Certificación do secretario/a do concello sobre o organigrama xerárquico e funcional do servicio da OMIC no respectivo concello.
e) Certificación do secretario/a do concello sobre concesións e solicitudes de axuda a outros organismos para as actividades obxecto de axuda.
f) Se é o caso, certificcón do secretario do concello da existencia do Concello Local de Consumo, se estivese constituído, ou do acordo de creación deste en 1997 (anexo IV).
g) Se é o caso, certificación do secretario do concello da existencia de mancomunidad con outros concellos e/ou actuacións conxuntas con asociacións, para actividaes sobre consumo (anexo V).
h) Se a axuda solicitada está destinada á instalación dunha nova OMIC, deberase presenta-la certifición dos órganos competentes polo que se aproba o proxecto correspondente asinado polo técnico competente, no que, ademais de garanti-las condicións de idoneidade do local para unha correcta atención ó público, se valorará economicamente o custo do proxecto e a súa necesidade.
i) Se a axuda solicitada está destinada a gastos de funcionamento, equipamento e infraestructura, deberase presentar, ademais dos sinalados nos parágrafos a), b), c), d) e e), os documentos seguintes:
-Orzamento debidamente detallado dos gastos.
-Cando o servicio prestado pola OMIC sexa concertado cunha asociación de consumidores, deberá xuntarse copia do convenio correspondente no que deberá figura-lo importe da contraprestación que a entidade local lle paga á asociación.
-Memoria das actuacións realizadas en 1996 e anteproxecto das actividades previstas para 1997.
j) Se a axuda está destinada á realización dos distintos programas de actividades ós que se alude nos apartados c), d) e) e f) do artigo 2º, memoria explicativa da actividade que se vai desenvolver, na que se incluirá:
-Obxectivos que persegue a actividade que se pretende realizar.
-S é o caso, lugar e data de celebración e duración previa dela.
-Equipo humano responsable do proxecto.
-Orzamento detallado de gastos.
-Programa provisional.
-Destinatarios e número de persoas beneficiarias da actividade.
-E demais documentación que considere necesario o Instituto Galego de Consumo.
Artigo 4º.-Contía.
A contía das axudas axustarase ós seguintes criterios:
a) Para a instalación de novas oficinas municipais de información ó consumidor a axuda será de ata o 70% do seu custo, cun máximo de 1.000.000 ptas.
b) Para os gastos de funcionamento, infraestructura e equipamento a axuda será de ata o 50% do seu custo, cun máximo de 1.000.000 de ptas.
c) Para actividades de información, formación, asistencia técnica, publicacións, enquisas, análisis de calidade e campañas de inspección a subvención será de ata o 50% do seu custo, cun máximo de 500.000 de ptas. por acción.
d) Para a promoción e colaboración no funcionamento do sistema arbitral a subvención será de ata o 70% do seu custo, cun máximo de 1.000.000 de ptas.
e) Para programas mancomunais entre diferentes municipios e/ou actuacións conxuntas con asociacións de consumidores a subvención será como máximo do 50% do seu custo.
As corporacións locais beneficiarias deberán facer consta-lo patrocinio do Instituto Galego de Consumo na información publicitaria relativa a actuacións subvencionadas.
Artigo 5º.-Resolución.
a) As axudas, que serán compatibles con calquera outra que puidese outorgarse para tales fins e sempre que o importe total subvencionado non exceda do custo da actividade que vaia desenvolve-lo beneficiario e da porcentaxe máxima establecido nesta resolución, concederanse por resolución expresa do presisente do Instituto Galego de Consumo.
b) A resolución seralles notificada ós beneficiarios no prazo de dez días a partir da data en que se dicte.
c) Entenderanse desestimadas aquelas solicitudes sobre as que non recaia resolución expresa no prazo de tres meses contados a partir da finalización do prazo de presentación de solcitudes, quedando expedieta a vía contencioso-administrativa.
Artigo 6º.-Pagamento e xustificación.
As axudas concedidas faranse efectivas despois da xustificación polo concello beneficiario, por medio da certificación do secretario do concello, da realización dos proxectos, actuacións e custos que foron obxecto da subvención (anexo VI).
Para a xustificación da subvención concedida, a corporación local deberá presentar antes do 30 de novembro de 1997 a seguinte documentación:
a) Se a axuda concedida foi destinada a gastos de funcionamento, certificació do órgano competente
do gasto total efectuado, así como facturas xustificativas e documentos de pagamento.
b) Para investimentos destinados á instalación destes centros, certificación do técnico ou director da obra e do secretario do concello, do investimento realizado, achegando facturas do gasto realizado e documentos de pagamento.
c) Se é o caso, certificación do inventario dos bens mobles adquiridos e da súa aplicación con carácter indefinido, para a protección dos consumidores, xuntando facturas do gasto realizado e documentos de pagamento.
d) Se a axuda concedida foi destinada á realización dalgunha actividade, memoria final do desenvolvemento desta, xustificación documental dos gastos producidos e certificación do órgano competente do gasto total efectuado e documentos de pagamento.
Artigo 7º.-Obrigas.
As entidades locais que reciban axudas das establecidas nesta orde deberán remitirlle, trimestralmente, ó Instituto Galego de Consumo, informe relativo ás actuacións que tivesen lugar nas correspondentes oficinas municipais de información ó consumidor.
O Instituto Galego de Consumo e os servicios provinciais de consumo prestarán a colaboración que sexa precisa para o mellor desenvolvemento das accións ou programas subvencionados.
Artigo 8º.-Control.
O Instituto Galego de Consumo poderá realiza-las comprobacións que coide oportunas respecto á axuda económica concedida e terá acceso a toda a documentación xustificativa dela.
A falta de xustificación dos gastos, unha aplicación difernete á sinalada na solicitude e/ou, en xeral, o incumprimento dalgún dos requisitos esixidos na presente orde, derá lugar á retirada da subvención, coa seguinte obriga da devolución da axuda percibida e dos xuros de demora, nos supostos previsto no apartado 5º do artigo 78 da Lei 11/1992, do 7 de outubro, de réxime financeiro e presupostario de Galicia. As cantidades que se reintegran terán a consideración de ingresos de dereito público e resultará de aplicación para o seu cobramento o previsto nos artigos 19 e 23 da citada lei.
Artigo 9º
Con independencia do establecido na presente resolución, aplicarase en todo caso o disposto na Lei 11/1992, de réxime financeiro e presupostario de Galicia, na Lei 11/1996, do 30 de decembro, de presupostos xerais da Comunidade Autónoma de Galicia para o ano 1997, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 16 de xaneiro de 1997.
Francisco Gallegos Martínez
Presidente do Instituto Galego de Consumo
560