Manuela González Martínez, secretaria do Xulgado de Primeira Instancia e Instrucción número un de Padrón,
Fai saber: que neste xulgado se seguen autos de xuízo ordinario declarativo de menor contía nº 107/1996, por instancia de Eleuterio Bustelo Reboiras, representado polo procurador Victorino Regueiro Muñoz contra, entre outros, herdeiros descoñecidos e incertos de Dolores Freire e persoas descoñecidas e incertas, con domicilio descoñecido, nos cales por medio de resolución desta data, se acordou empraza-los referidos demandados para que no termo de dez días comparezan en autos, constituíndose en parte representados por procurador e asistidos de letrado, baixo apercibimento de que, de non compareceren, serán declarados en rebeldía, recaendo neles o prexuízo ó que houbese lugar en dereito.
E para a súa inserción nos xornais oficiais e fixación no taboleiro de anuncios deste xulgado e que lles sirva de emprazamento en forma ós demandados, herdeiros descoñecidos e incertos de Dolores Freire e persoas descoñecidas e incertas, expido o presente edicto en Padrón o sete de xaneiro de mil novecentos noventa e sete.
A secretaria
Rubricado
389