A Fundación Galicia-Europa convoca 4 bolsas para financia-la estadía en Bruxelas de licenciados
universitarios que sexan aceptados pola Comisión Europea ó longo de 1997 para a realización dunha estadía non remunerada.
Requisitos:
1. Carta da Comisión Europea na que se acepta a solicitude do candidato para a realización dunha estadía non remunerada.
2. Ter expediente académico con media de notable.
3.Coñecemento dunha lingua comunitaria ademais do castelán e do galego.
4. Ter nacido despois do 31-12-1966.
5. Ter residencia en Galicia.
6. Te-la nacionalidade dun dos estados membros da Unión Europea.
7. Terán preferencia aqueles candidatos que realizasen estudios post-universitarios en relación con temas comunitaros.
Duración da bolsa:
5 meses por estadía.
Contía da bolsa:
A contía da bolsa será de 35.000 FB/mes para aloxamento e manutención. Os gastos de transporte e seguros serán por conta dos candidatos seleccionados.
Data de presentación da solicitude da bolsa:
A Comisión Europea convoca anualmente dous períodos de estadías de cinco meses cada un. A solicitude de bolsa á Fundación Galicia-Europa poderá ser presentada a partir do momento no que o interesado teña constancia escrita da Comisión Europea de ser aceptado para a realización da estadía nun dos períodos convocados.
Selección:
A Fundación Galicia-Europa realizará a selección dos candidatos en función dos méritos acreditados por estes. No primeiro período concederanse como máximo 2 bolsas.
Información e presentación das solicitudes:
Xunto coa solicitude da bolsa, segundo o modelo do anexo I, deberá presentarse expediente académico, currículum vitae e demais documentación acreditativa do cumprimento dos requisitos esixidos.
As solicitudes deberán presentarse na Fundación Galicia-Europa, casa da Parra, praza da Quintana s/n, 15704 Santiago de Compostela, teléfono: (981) 54 58 29; número de fax: (981) 56 26 46; horario de 9h. a 14h.
Santiago de Compostela, 12 de decembro de 1996.
José Antonio Orza Fernández
Conselleiro de Economía e Facenda
e Secretario xeral da Fundación Galicia-Europa
367
