Eu, Luis Diego Hernández Espino, secretario da Administración de xustiza e do Xulgado de Primeira Instancia número dez de Vigo e o seu partido xudicial.
Certifico que no libro de sentencias deste xulgado consta a dictada nos autos de xuízo de cognición, seguidos co número 310/1995, entre as partes que logo se dirán, e co encabezamento e decisión que di:
«Sentencia. Na cidade de Vigo o cinco de novembro de mil novecentos noventa e seis, vistos por Francisco Javier Romero Costas, maxistrado-xuíz do Xulgado de Primeira Instancia número dez dos de Vigo e o seu partido xudicial, os autos de xuízo de cognición, 310/1995, seguidos por instancia de Real Club Náutico de Vigo, con DNI/CIF G-36612752, domiciliado nas Avenidas, s/n (Vigo), representado pola procuradora Gloria Quintas Rodríguez, e dirixido polo letrado J.M. Cirado del Rey, contra José María Álvarez Suárez, con derradeiro domicilio coñecido en rúa José Antonio, nº 5-1º, teléfono: 908/18 62 84 (Ourense), e na actualidade en paradoiro descoñecido, sobre reclamación de cantidade; e
Seguen antecedentes de feito e fundamentos de dereito.
Resolvo, estimando a demanda formulada pola procuradora Gloria Quintas Rodríguez en nome e representación do Real Club Náutico de Vigo contra José María Álvarez Suárez, déboo condenar e condeno a que lle aboe á demandante a suma de 224.084 ptas. mailos xuros legais da dita cantidade, previsto no artigo 921 da LAC e ó pagamento das custas procesuais.
Así, por esta miña sentencia, que será firme se contra ela non se interpón recurso de apelación dentro dos cinco días seguintes á súa notificación perante este órgano xudicial, por medio de escrito no que se exporán as alegacións en que se basee a impugnación, pronúncioo, mándoo e asínoo. Francisco Javier Romero Costas. Asinado e rubricado».
A anterior sentencia foi dada, lida e publicada polo maxistrado-xuíz que a dictou o mesmo día da
súa data, achándose celebrando audiencia pública. E para que así conste, en cumprimento do acordado, co fin de que lle sirva de notificación ó demandado rebelde José María Álvarez Suárez e se publique no Diario Oficial de Galicia, expido e asino a presente cédula en Vigo o vinteún de novembro de mil novecentos noventa e seis.
O secretario
Rubricado
9700