Visto o expediente para outorgamento de autorización administrativa e aprobación do proxecto de execución da instalación eléctrica que segue:

-Solicitante: Hidroeléctrica de Laracha.

-Enderezo social: r/ Tte. Xral. Gómez Zamalloa 9-1º, 15005 A Coruña.

-Denominación: L.M.T. Borreiros-Vista Alegre, parroquia de Soandres.

-Situación: Laracha.

-Descricións técnicas: reforma L.M.T. Borreiros C.T. Vista Alegre, a 15/20 kV de 1.859 m de lonxitude, en conductor LA-56 e LA-30, que parte do C.T. Borreiros e remate no C.T. Vista Alegre. Termo municipal de Laracha.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 4 de decembro de 1996.

Juan Ignacio Lizaur Otero

Delegado provincial da Coruña

97-9571