Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de R.B.T. Pazos, Caldelas e Xustáns, que ten as seguintes características especiais:

Peticionario: Eléctrica Los Molinos, S.A.

Lugar no que se vai establece-la instalación: nos lugares de Pazos, Caldelas e Xustáns, concello de Ponte-Caldelas.

Finalidade da instalación: mellora-la subministración eléctrica na zona.

Características principais: R.B.T., en Caldelas, aéreo-Subterránea, de 490 m de lonxitude o tramo aéreo, con conductor tipo R.Z., sobre apoios de formigón e 22 m de lonxitude o tramo subterráneo, con conductor tipo R.V. R.B.T., en Pazos, aérea, de 340 m de lonxitude, con conductor tipo R.Z., sobre apoios de formigón. R.B.T., en Xustáns, aérea, de 570 m de lonxitude, con conductor tipo R.Z., sobre apoios de formigón.

Orzamento: 5.000.000 de ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 31 de outubro de 1996.

Ramón Álvarez Abad

Delegado provincial de Pontevedra

97-9023