Visto o expediente do convenio colectivo da empresa Auxiliar Conservera, S.A., que tivo entrada nesta delegación provincial o día 13-12-1996, subscrito en representación da parte económica por unha representación da empresa, e da parte social, polos delegados de persoal, en data 4-12-1996. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, desta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 17 de decembro de 1996.

Antonio Coello Bufill

Delegado provincial de Pontevedra

I. Disposicións xerais

Artigo 1º.-Ámbito de aplicación.

O presente convenio colectivo ten por obxecto regula-las relacións laborais entre Auxiliar Conservera, S.A. e o seu persoal.

Artigo 2º.-Ámbito persoal.

Afecta este convenio a todo o persoal que estea prestando servicios actualmente nesta empresa, xa sexa na sección de frío industrial, como na de fariña de peixe, calquera que sexa a actividade das mencionadas a que se dedique.

Artigo 3º

A vixencia do presente convenio será do 1 de xaneiro de 1996 ó 31 de decembro de 1996.

Artigo 4º.-Prórroga.

Extinguido o período de vixencia, o convenio entenderase prorrogado de ano en ano, agás se algunha das partes que o subscriben o denunciase cunha antelación de tres meses á expiración da súa vixencia ou de calquera das súas prórrogas.

Artigo 5º.-Condicións máis beneficiosas.

A empresa respectará as condicións máis beneficiosas que viñese desfrutando o persoal.

Artigo 6º.-Absorbibilidade.

Terán carácter de absorbibles e compensables en cómputo anual coas condicións aquí establecidas, as melloras económicas que por calquera disposición durante a vixencia deste convenio puidera establecerse.

II. Condicións laborais

Artigo 7º.-Xornada laboral.

A xornada de traballo para o persoal afectado polo presente convenio será de trinta e nove horas e trinta minutos semanais de traballo efectivo, segundo o seguinte horario.

Factoría de frío industrial.

De luns a xoves de 8 a 16.30 horas con 30 minutos de descanso e o venres de 8 a 16 horas con 30 minutos de descanso, entendéndose os 30 minutos de descanso como tempo non efectivo de traballo. Queda exento da xornada expresada o persoal adscrito á sala de máquinas, o cal por esixencias do servicio efectuará quendas rotativas establecidas pola empresa de mañá, tarde e noite de 39 horas e 30 minutos efectivos de traballo semanal, cos descansos regulamentarios, por estar exceptuado do descanso dominical.

Factoría de fariñas.

Quenda de noite: estará composta por un oficial de primeira e un peón, dependendo das necesidades da producción poderíase aumentar un traballador máis de cada categoría, sendo o sistema de funcionamento de forma rotativa entre todo o cadro de persoal adscrito ó dito centro, semanalmente no primeiro caso e quincenalmente no segundo. O horario será de 22 horas a 6.15 horas do día seguinte con 15 minutos de descanso de luns a xoves e os venres o horario será de 22 horas a 5.45 horas do día seguinte, igualmente con 15 minutos de descanso.

O descanso de 15 minutos será considerado como tempo efectivo de traballo.

O resto do persoal, que non traballase na quenda de noite, farao no horario de 8 horas a 16.30 horas de luns a xoves e o venres de 8 a 16 horas, con 30 minutos de descanso; este descanso non será considerado como tempo efectivo de traballo.

O persoal que estivese no cadro o 1 de xaneiro de 1993 que realice a quenda de noite percibirá ademais das que a lei lle outorga, un plus que queda establecido en 450 ptas. por noite traballada para o oficial de primeira e 350 ptas. para o peón. A empresa comprométese a soluciona-lo transporte para este persoal que realice a dita quenda.

O persoal de nova contratación na empresa, está sometido á xornada laboral anual e ó horario de traballo que expresamente se pacte no contrato de traballo, podendo establecerse un horario flexible ou calquera outro acomodado ás necesidades empresariais.

O persoal da empresa, tanto na sección de frío industrial como o da sección de fariñas de peixe,

comprométese a atender e realizar cos traballadores que fose necesario, os labores de descarga de camións de peixe fresco e conxelado que, motivado por algún sinistro imprevisible, chegasen á empresa fóra da xornada normal de traballo, sempre e cando a dirección desta llo comunicase ó persoal, se fose posible, cunha antelación mínima de 12 horas.

A empresa coidará a través dos seus encargados e capataces de distribuí-lo traballo de forma tal que non se prolonguen os períodos de estadía do persoal nas cámaras frigoríficas de conxelación, para o que establecerán quendas rotativas dentro da xornada ou se alternarán as clases de traballo. En ningún caso poderá exceder de 6 horas a permanencia nas ditas cámaras, dándose por concluída a xornada unha vez chegado a ese tope. Cando se traballen períodos menores de 4 horas en cámaras, completarase a xornada normal ata 8, fóra delas.

Pasadas as 4 primeiras horas, o tempo que transcorra computarase como dobre para efectos de completa-la xornada.

Artigo 8º.-Licencias retribuídas.

A empresa concederá licencias ós traballadores que a soliciten, tendo en conta os seguintes casos:

a) Matrimonio do productor: 15 días naturais.

b) Enfermidade grave do cónxuxe, ascendentes ou descendentes e parto da esposa: 5 días.

c) Morte do cónxuxe, ascendentes, incluídos políticos se conviven baixo o mesmo teito, descendentes ou irmáns: 5 días.

d) No caso de parentes políticos e de non existir convivencia: 3 días.

e) No caso de desprazamento da propia residencia, será o tempo necesario sen dereito a retribución polo exceso dos mencionados días.

f) Por cumprimento dun deber inescusable de carácter público, o tempo que sexa necesario.

g) 6 días para asuntos particulares, o seu desfrute será disposto pola empresa por solicitude do traballador. No suposto de que o comité e a empresa acorden desfrutar estes seis días colectivamente, o desfrute levarase a cabo desta forma.

A licencia de cinco días poderá continuarse sen dereito a retribución, logo de certificado médico, o cal será esixido cada sete días, sendo o primeiro en modelo oficial e con cargo á empresa e os sucesivos en modelo non oficial, con cargo ó traballador.

Artigo 9º.-Permisos.

A empresa poderá concederlle ó persoal permisos non retribuídos sempre que as esixencias do servicio así o permitan e obrigatoriamente no caso b) do artigo anterior, cando exceda logo da oportuna xustificación da dita licencia.

Artigo 10º.-Vacacións.

O descanso anual retribuído para todo o persoal consistirá en 30 días naturais. O período de vacacións retribuirase para cada categoría profesional

cos importes que se especifican na táboa salarial anexa e que abrangue os conceptos do salario base mensual, antigüidade e plus de asistencia.

Artigo 11º.-Prohibición de carga e descarga.

A empresa queda obrigada a non utilizar nos labores de carga e descarga que esixa subir a camións ou buques, ó persoal feminino así como a cargar a man peso superior a 20 kg respecto ó persoal masculino, e límite máximo de peso para cargar a man, será de 35 kg, en ámbolos casos enténdese por persoa. Os menores de 18 anos só poderán efectuar labores de carga, descarga e transporte de pesos non superiores a 8 kg para o persoal feminino e ata 20 para o persoal masculino. No caso de arrastre manual, o peso máximo será de 50 kg cunha distancia non superior a 4 metros.

Artigo 12º.-Salario.

O persoal afectado polo presente convenio percibirá, segundo a súa categoría profesional, o salario base mensual que se especifica na táboa salarial anexa. No caso de que o IPC rexistrase o 31 de decembro de 1996, un incremento superior ó 3,8%, respecto á cifra que resultase do dito IPC o 31 de decembro de 1995, efectuarase unha revisión salarial tan pronto como se constate oficialmente a dita circunstancia. Tal incremento aboarase con efectos do 1 de xaneiro de 1996, servindo por conseguinte como base de cálculo para o incremento salarial de 1997.

Artigo 13º.-Gratificacións extraordinarias.

Todo o persoal da empresa percibirá nos meses de xullo e decembro o importe de 30 días de salario base mensual do convenio, máis antigüidade e plus de asistencia, que figura na táboa salarial anexa.

Artigo 14º.-Complementos salariais do posto de traballo.

O persoal afectado por traballos de carácter penoso, perigoso, tóxico ou molesto, percibirá cada día de traballo, complementos salariais na contía fixada na táboa salarial anexa. Se o día 1 de cada ano o valor correspondente a este suplemento fose inferior ó resultado de aplica-lo 20% sobre o salario mínimo interprofesional na dita data, percibirase o valor deste complemento na contía así calculada, sen que poida afectarlle calquera outra variación do dito salario mínimo interprofesional que puidese producirse durante o transcurso de cada ano.

As cantidades que resultasen de aplicar este criterio aboaranse con efectos retroactivos unha vez que sexa aprobado o convenio colectivo de cada ano. Todo o persoal, excluídos apoderados e técnicos, percibirán unha prima de producción de 15 ptas. por día de traballo efectivo e antes do 15 de xaneiro de cada ano unha contía de 60.000 ptas.

Artigo 15º.-Plus de transporte.

Todo o persoal da empresa percibirá en concepto de plus de transporte a cantidade de 5, 10 ou 15 ptas. diarias, segundo resida en Vigo cidade, extrarradio de Vigo ou outro concello, sempre e can

do o viñese percibindo con anterioridade ó 31 de decembro de 1977.

O persoal do cadro o 31 de decembro de 1977 que realice os seus traballos na fábrica de fariñas será trasladado a ela en Chapelisa con medios adecuados de transporte, percibindo en compensación ó maior tempo investido a cantidade de 40 ptas. diarias.

Artigo 16º.-Antigüidade.

Tódolos traballadores afectados por este convenio desfrutarán de aumentos periódicos por anos de servicio consistentes en trienios-mes ilimitados, segundo o valor establecido na táboa salarial anexa.

Se o primeiro de xaneiro de cada ano, o valor trienio-mes fixado na táboa salarial fose inferior ó resultado de aplica-lo 6% sobre o salario mínimo interprofesional que rexese na dita data, percibirase o valor do trienio na contía así calculada, sen que poida afectarlle calquera outra variación do salario mínimo interprofesional que puidese producirse durante o transcurso de cada ano.

As cantidades que resultasen de aplicar este criterio aboaranse con efectos retroactivos ó día 1 de xaneiro, unha vez que se aprobe o convenio de cada ano.

Artigo 17º.-Horas extraordinarias.

Aboaranse de acordo coa táboa salarial anexa aplicándose o criterio para a súa realización recollido no artigo 13 do AI de 1983, definíndose especificamente como horas extraordinarias estructurais, as derivadas dunha prolongación da xornada como consecuencia de descargas de peixe conxelado, fresco, así como entrada da mercadoría en cámara e a súa transformación en fariña.

A petición do traballador, cada hora extra pode ser compensada con hora e media de descanso. O desfrute deste beneficio será previamente establecido entre a empresa e o traballador.

Artigo 18º.-Vinculación á empresa.

Todo traballador que por razón de idade se xubile, cause baixa na empresa a consecuencia de invalidez permanente absoluta ou falecemento e leve nela un mínimo de 5 anos, percibirá unha indemnización a tanto alzado na contía de 30.000 ptas. incrementándose esta noutras 30.000 ptas. por cada ano de servicio ata un máximo de 130.000 ptas.

Artigo 19º.-Persoal con capacidade diminuída.

A empresa quedará obrigada a incorporar a un posto de traballo adecuado, sen diminución das súas percepcións económicas a todo traballador que quedase incapacitado parcial ou totalmente para o seu traballo habitual como consecuencia de accidente ou enfermidade profesional , sempre que tal posto exista na empresa. No caso de nova creación daráselle preferencia a este persoal, logo da proba satisfactoria de aptitude.

Artigo 20º.-Complementos prestacións de Seguridade Social.

A empresa complementará os seus traballadores en situación de incapacidade temporal derivada dun

ha enfermidade común ou accidente desde o 4º ó 21 días (ámbolos dous incluídos) da baixa co 25% do seu salario. Despois do 21 día, a empresa aboaralles ós traballadores que continúen nesta situación a diferencia existente entre o seu salario e as prestacións da Seguridade Social ata a percepción do 100% do salario.

Se a incapacidade temporal é por hospitalización, a empresa aboará o 100% do salario, desde o primeiro día da baixa.

No caso de accidente laboral, a empresa complementará co 25% as prestacións que lle correspondan ó traballador, calculadas sobre as bases de cotización para accidente, a partir do día da baixa.

Cando por razón de enfermidade, o traballador precise a asistencia ó seu consultorio médico en horas coincidentes coa súa xornada laboral, a empresa concederá sen perda de retribución o permiso necesario por un total de ata dezasete horas anuais máximo, debendo xustificarse este co correspondente volante visado polo médico.

Artigo 21º.-Plus de asistencia.

Establécese un plus de asistencia por un importe mensual de 7.584 ptas. que divididas entre 22 días estimados de traballo mensual, resulta unha cantidade diaria de 345 ptas. Este plus devengarase na súa integridade se non se faltou ó traballo ningún día durante cada mes.

A falta de puntualidade nun día de traballo que non supere a media hora, presupón a perda de 172 ptas. do plus. A reiteración de falta de puntualidade durante unha quincena, presupón a perda do plus correspondente a ese mes.

Artigo 22º

No caso de necesitar cubrir algún posto de traballo, terán prioridade os fillos de productores, sempre que reúnan as condicións esixidas para cubri-lo dito posto.

Artigo 23º

Farase unha revisión médica tódolos anos e para tódolos empregados, a través do gabinete médico da compañía coa cal a empresa ten contratado o seguro de accidente.

Artigo 24º

O presente convenio foi acordado entre a empresa Auxiliar Conservera, S.A. representada por Luis Arambarri Aldazabal e Rodolfo Hinrichs Vázquez de Parga, este como asesor e en representación da parte social, os membros do comité de empresa José Luis Díaz Peña, Florencio Estévez Pérez e Manuel Lores Lago, este como asesor.

III. Disposicións derradeiras

1. Para a interpretación e cumprimento das cláusulas deste convenio colectivo e en xeral para atender cantas cuestións se derivan da súa aplicación, establécese unha comisión paritaria que está integrada polos seguintes membros:

-Dous vocais nomeados pola representación da empresa.

-Dous membros do comité de empresa.

Esta comisión reunirase a petición de calquera das partes, logo de convocatoria nun prazo de 72 horas.

2. O comité de empresa, ademais das que a lei lle outorga, terá as seguintes funcións específicas:

a) Denuncia-lo convenio como lexítimo representante dos traballadores.

b) Negociar convenios coa dirección; durante este proceso poderán ser asistidos polos asesores que consideren oportunos, logo de comunicación.

c) Os delegados sindicais gozarán de 15 horas mensuais para os seus labores sindicais. As horas non precisadas por un ou varios delegados poden ser utilizadas por outros delegados que superasen a súa cota, sempre que non excedan do cómputo total de horas que correspondan á totalidade dos delegados existentes.

d) En caso de celebración de congresos sindicais da central que representan, a empresa poderá autoriza-lo tempo necesario para asistir a estes.

e) A empresa, a pedimento persoal de cada traballador descontará da súa nómina o importe mensual da cota sindical, a cal será ingresada na conta que se lle indique na mencionada petición, nos cinco días seguintes á liquidación de haberes.

Táboa salarial de 1996

Categoría	Salario base mensual artigo 12	Complemento salarial importe día traballo artigo 13	Antigüidade importe 1 trienio men- sual artigo 15	Plus asistencia mensual artigo 20

Xerente	201.559	9.249
Axudante titulado	178.937	7.928
Xefe administrativo	178.937	7.928
Ofic. 1 administrativo	128.849	5.446
Ofic. 2 administrativo	107.165	4.526
Auxiliar administrativo	100.131	4.526
Encargado	123.350	559	5.036	7.584
Ofic. 1 máquinas	114.879	534	4.827	7.584
Ofic. 1 producción	106.096	504	4.526	7.584
Peón especialista	101.686	504	4.526	7.584
Peón	100.351	504	4.526	7.584
Operario fabricación	98.163	504	4.526	7.584

Táboa horas extras

Oficial 1	Peón especialista	Peón
Día normal	Festivo	Día normal	Festivo	Día normal	Festivo

Antigüidade	1.306	1.859	1.218	1.745	1.206	1.722
Trienio	1.345	1.922	1.270	1.809	1.243	1.785
Trienios	1.381	1.984	1.306	1.872	1.282	1.834
Trienios	1.432	2.048	1.345	1.922	1.320	1.897
Trienios	1.470	2.109	1.382	1.984	1.368	1.960
Trienios	1.520	2.161	1.432	2.035	1.395	2.010
Trienios	1.557	2.236	1.470	2.103	1.432	2.060
Trienios	1.596	2.274	1.507	2.148	1.470	2.109
Trienios	1.633	2.349	1.545	2.199	1.507	2.172
Trienios	1.670	2.424	1.570	2.248	1.545	2.223
Trienios	1.709	2.500	1.607	2.298	1.583	2.274

177