Ángel Pantín Reigada, maxistrado-xuíz do Xulgado de Primeira Instancia e Instrucción número cinco de Santiago de Compostela e o seu partido, fago saber que neste xulgado se tramita expediente de dominio número 66/1996-2 por instancia de María Amalia Jiménez Alonso, representada polo procurador Julio Barreiro Fernández, co fin de prosegui-lo tracto sucesivo do seguinte predio:
Piso segundo da casa nº 6 da avenida de Figueroa nesta cidade de Santiago de Compostela. Ten o acceso pola rúa de Entrecercas nº 16. Extensión uns corenta metros cadrados. Estremas: limita polo norte, coa casa nº 5 propia dos herdeiros de José García Barros; polo sur coa casa nº 7 propia de Manuel Cambón; polo leste coa rúa de Entrecercas e polo oeste coa rúa Faxeira de Fóra, por onde ten a súa fachada principal. Predios estremeiros: o piso terceiro do citado edificio é propiedade de terceiras partes dos irmáns María del Carmen, María Concepción e Luis Alonso Carnero Ríos. O piso primeiro é propiedade da comunidade de herdeiros de Elvira Lapatza de Valenzuela, falecida o 23-2-1991.
Polo presente edicto cítase como titular catastral os herdeiros de Elvira Lapatza de Valenzuela; como titular rexistral os herdeiros de Mauricia Ulloa Villar; e a cantas persoas ignoradas poida afectar este expediente e prexudica-la inscrición que se solicita, co fin de que no termo de dez días a partir da publicación
deste edicto poidan comparecer no referido expediente para alegar canto conveña ó seu dereito para a pretensión formulada.
Conforme o disposto no artigo 201, regra terceira, da Lei hipotecaria, e en cumprimento do ordenado na dita resolución, faise pública para os efectos oportunos.
Santiago de Compostela, cinco de xullo de mil novecentos noventa e seis.
Rubricado
9102