De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan, as resolucións dos ditos expedientes, por infracción á Lei 7/1992, do 24 de xullo, sobre pesca fluvial en Galicia.
1. Contra a dita resolución e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, e no prazo dun mes contado a partir do día seguinte ó desta publicación, poderá interpoñer recurso ordinario ante o conselleiro de Agricultura, Gandería e Montes. Transcorrido o prazo de interposición do recurso sen que este fose presentado, esta resolución será firme para tódolos efectos.
2. O importe da sanción, así como o da indemnización, farase efectivo, dentro do prazo de quince días contados desde o momento en que a resolución sexa firme, na conta nº 120.596, do Banco Pastor (0072), oficina principal (0401). De non facelo dentro do prazo sinalado procederase ó seu cobramento pola vía de constrinximento.
3. O rescate do comisado, no caso de que se trate de utensilios de uso lícito, poderá obterse logo de pagamento da contía total da sanción e indemnización dentro do prazo establecido no parágrafo anterior.
Pontevedra, 12 de decembro de 1996.
José Luis Díez Yáñez
Delegado provincial de Pontevedra
ANEXO
Expediente: P-266/1996.
Denunciado: David Pedreira Carracedo.
Último enderezo coñecido: Avda. América, 13-1º A, A Estrada.
Feito denunciado: pescar sen licencia, con engado non autorizado en río salmoneiro (miñoca), o día 31 de maio de 1996, no río Ulla, no lugar de Pontevea, concello de Vedra.
Precepto infrinxido: artigo 33.1º e 33.9º da Lei 7/1992 de pesca fluvial.
Precepto sancionador: artigo 33 da Lei 7/1992, de pesca fluvial.
Sanción: 20.000 ptas.
Expediente: P-273/1996.
Denunciado: José Antonio Álvarez González.
Último enderezo coñecido: Cristiñade-Ponteareas.
Feito denunciado: empregar engadas de uso non permitido (miñoca) negándose a entrega-la cana para o seu comiso, o día 30 de maio de 1996, no río Tea, no lugar de Ceña de Angoares (Ganade), concello de Ponteareas.
Precepto infrinxido: artigo 33.9º da Lei 7/1992, de pesca fluvial.
Precepto sancionador: artigo 33 da Lei 7/1992, de pesca flucial.
Sanción: 20.000 ptas.
9587