O Pleno da Corporación Municipal, en sesión celebrada o día 21 de novembro de 1996, acordou aprobar inicialmente o estudio de detalle para ordenación de predio en solo urbano en Santo Andrés, Carril, redactado polo arquitecto José Luis Pérez Franco e promovido por Pilar Viqueira Valdés.
De conformidade co establecido no artigo 117 do Real decreto lexislativo 1/1992, polo que se aproba o texto refundido da Lei do solo e ordenación urbana, o dito estudio de detalle estará exposto ó público, nas oficinas municipais de secretaría, durante o prazo de quince días, a partir do seguinte ó da publicación deste anuncio no Diario Oficial de Galicia, podendo presentarse reclamacións ou alegacións no mesmo prazo.
Vilagarcía de Arousa, 12 de decembro de 1996.
Xoaquín Xabier Gago López
Alcalde
9640