Visto o expediente do convenio colectivo para a empresa Pescanova Chapela, S.A., que tivo entrada nesta delegación provincial o día 30-10-1996, subscrito en representación da parte económica por unha representación da empresa, e da parte social, polo comité de empresa, o 23-9-1996. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 18 de novembro de 1996.
Antonio Coello Bufill
Delegado provincial de Pontevedra
Pescanova Chapela, S.A.
Ámbito de aplicación e disposicións xerais
Artigo 1º.-Ámbito territorial.
O presente convenio colectivo establece as bases para as relacións laborais entre a empresa Pescanova Chapela, S.A., e os seus traballadores adscritos ó centro de traballo, situado en Chapela-Redondela.
Artigo 2º.-Ámbito persoal.
O presente convenio colectivo abrangue a todo o persoal do cadro nas súas distintas categorías profesionais existente no momento da sinatura, nos centros de traballo aludidos no artigo anterior, así como os que posteriormente se incorporen ós respectivos cadros.
Artigo 3º.-Vixencia.
O convenio entrará en vigor o 1 de xaneiro de 1995 cun período de duración ata o 31-12-1996.
O conxunto do articulado e as táboas anexas manterán a súa vixencia mentres as partes non acorden modificalo.
Artigo 4º.-Determinación das partes que o concertan
Este convenio colectivo concértase entre Pescanova Chapela, S.A., representada neste momento por Fernando Ilarri Junquera e Ángel González de Thus, e o seu comité de empresa, como representación legal dos traballadores, composto polo membros que abaixo asinan.
Artigo 5º.-Condicións máis beneficiosas.
Tódalas condicións económicas establecidas no presente convenio teñen carácter de mínimas e figurarán nas táboas salariais anexas, ou as que constan nas respectivas nóminas.
Terán carácter de absorbibles aquelas melloras que durante a súa vixencia e por disposicións legais puidesen establecerse.
Agás o especificado no artigo 21º do presente convenio, no relativo á prima de tarde e prima de baixa temperatura, o persoal que con anterioridade ó convenio viñese desfrutando dalgún ou dalgunhas condicións máis beneficiosas deberá conservalas.
Artigo 6º.-Comisión paritaria.
Para a interpretación e vixilancia das condicións xerais pactadas neste convenio, crearase unha comisión paritaria composta por:
Parte social: o presidente do comité de empresa, secretario do comité de empresa e un representante de cada un dos sindicatos.
Parte empresarial: cinco membros designados pola empresa.
No caso de que existan discrepancias entre as partes e non logren chegar a un acordo, someteranse á xurisdicción laboral competente.
Organización do traballo
Artigo 7º.-Principios xerais.
A organización práctica do traballo, respectando a lexislación vixente en cada momento, é facultade da dirección da empresa e, por delegación, dos seus mandos ou representantes legais.
Todo isto sen mingua das funcións de información que as mesmas disposicións legais lles atribúan ós representantes dos traballadores, comité de empresa e seccións sindicais, se é o caso.
É política común dos traballadores e da dirección o mantemento de actitudes de información, diálogo e negociación que conduzan a esquemas participativos.
A empresa manterá e fomentará a formación e promoción profesional dos seus traballadores. Anualmente comunicaráselle ó comité de empresa o plan de formación.
Artigo 8º.-Regulación.
Os contratos do persoal, calquera que sexa a súa modalidade, adaptaranse ás formas e condicións establecidas polas disposicións legais vixentes.
Artigo 9º.-Contratos en prácticas e de aprendizaxe.
A empresa poderá contratas traballadores en prácticas e aprendices, de acordo coas disposicións legais vixentes.
Polo que se refire ó contrato de aprendizaxe, a súa regulación será a seguinte:
Os aprendices non poderán ocupar postos de traballo que quedaron vacantes por despedimento improcedente, obxectivo, ou por calquera tipo de expediente de regulación de emprego.
Características do contrato de aprendizaxe:
Duración: mínima de 6 meses e máxima de 2 anos.
Prórroga: mínima de 6 meses.
Idade: de 16 a 23 anos.
Formación: plan de formación pactado cos representantes dos traballadores.
Titor: cada dous aprendices como máximo terán un titor que teña como mínimo o nivel de cualificación que debe adquiri-lo aprendiz.
Salario: o primeiro ano o 100% do salario base do convenio e o segundo ano o 120% do salario base do convenio.
O número de aprendices non superará o 5% do persoal fixo.
Artigo 10º.-Vacantes e postos de nova creación.
Na creación de novos postos de traballo na provisión de vacantes, cando se requira persoal de novo ingreso, a empresa terá en conta, en primeiro lugar os traballadores a que se refire o artigo 13 do presente convenio, en segundo lugar, o persoal adscrito a outras empresas do grupo e en terceiro lugar as peticións dos fillos ou fillas de traballadores en activo, falecidos, xubilados ou pensionistas concedéndolle-lo emprego en todo caso se superan as probas de aptitude que corresponda. Para postos de certa responsabilidade que precise a empresa, será necesario que as súas condicións e coñecementos non sexan inferiores ós doutros candidatos.
A empresa está obrigada a informa-lo comité de empresa das vacantes producidas e postos de nova creación. Así mesmo, daráselle difusión nos taboleiros de anuncios.
O comité de empresa participará de acordo co establecido no artigo 6º no control das probas que fosen necesarias para a contratación de persoal.
Artigo 11º.-Período de proba.
O persoal de novo ingreso terá carácter provisional durante un período de proba variable, segunda a índole do labor que se vai realizar, de acordo coa seguinte escala:
Técnicos titulados: seis meses.
Titulados de grao superior, Contr. prácticas: dous meses
Titulados de grao medio, Contr. prácticas: un mes
Contratos de aprendizaxe: quince días
Resto do persoal: quince días
Durante os períodos que se sinalan, tanto o traballador coma a empresa, poderán desistir da proba ou proceder á rescisión do contrato, sen aviso previo nin dereito a indemnización. Será nulo o pacto que estableza un período de proba cando o traballador desempeñase as mesmas funcións con anterioridade na empresa, e dentro da mesma categoría profesional, baixo calquera modalidade de contratación.
O traballador desfrutará, durante o período de proba, a retribución que corresponda á categoría profesional do traballo no que se clasificase. O período de proba será computado para efectos de antigüidade.
Superado o período de proba, o traballador pasará a depender da empresa, coa categoría que corresponda en cada caso.
Artigo 12º.-Postos especiais.
A empresa procurará emprega-lo persoal que teña a capacidade física ou intelectual diminuída por idade ou outros inconvenientes ocorridos antes da súa xubilación en destinos adecuados ás súas condicións reais, no caso de que existan eses postos. Igual criterio seguirase cos que se encontren na situación de invalidez permanente parcial para a súa profesión habitual.
Para iso terán en conta as vacantes que se produzan nas seguintes seccións: oficinas de sección industrial, almacén de sección industrial, control de calidade, aseos e vestiarios, e a empresa poderá cubrir, entrementres, provisionalmente os ditos postos durante un período máximo de quince días.
Artigo 13º.-Incorporación a outras empresas do grupo.
Os traballadores da empresa Pescanova Chapela, S.A. poderán ser destinados a outras empresas do mesmo grupo de empresas, cando existan razóns económicas, organizativas, técnicas ou productivas que o xustifiquen, sempre que se respecten os límites da mobilidade funcional e o traslado non implique cambio de domicilio, e se efectúa dentro da área de influencia de Vigo.
A decisión de incorporación á nova empresa deberá comunicárselles ós afectados e ó comité de empresa cunha antelación de 30 días naturais, agás acordo noutro sentido.
Os traballadores afectados por esta decisión incorporaranse ó cadro de persoal da empresa do seu novo destino, e conservarán a súa categoría profesional e antigüidade, que se respectará desde o seu ingreso en Pescanova, S.A.
O seu réxime económico será o vixente na empresa de novo destino, pero conservará en todo caso como
garantía o seu salario en cómputo anual no momento do traslado, a excepción dos complementos vinculados ó posto de traballo.
En todo caso, e como condicións máis beneficiosas, seralles de aplicación o disposto no artigo 35º sobre complemento de I.T. do convenio de Pescanova Chapela, S.A. de 1994.
O horario será en réxime de quendas (xornada continuada). O persoal trasladado a Frinova terá o horario que corresponda segundo o convenio colectivo desa empresa. Os que sexan trasladados a outras empresas do grupo incorporaranse a un réxime horario similar ó de Frinova, S.A. ou Pescanova Chapela, S.A.
En caso de necesidade de persoal fixo en Pescanova Chapela, S.A., terá preferencia de recolocación o persoal trasladado, ó que se lle aplicaría na súa integridade o convenio de Pescanova Chapela, S.A.
Se a incorporación prevista neste artigo significase para o traballador un incremento nos seus gastos, debidamente acreditado, a empresa deberá compensalo por iso. En ningún caso poderán alegarse gastos compensables achacables ó transporte, se a empresa proporciona medio de transporte nas mesmas condicións ca na actualidade, aínda que se cambie o horario.
A aplicación deste artigo estará condicionada á existencia de excedente de man de obra na empresa debidamente acreditado. En caso contrario deberá pactarse ou ben individualmente ou ben co comité de empresa.
Este artigo terá carácter obrigacional e perderá a súa vixencia a partir do 30-4-1997.
Artigo 14º.-Excedencias.
Terá dereito á situación de excendencia todo o persoal afectado polo presente convenio, de acordo coas normas regulado no Estatuto dos traballadores.
A empresa queda obrigada, para o persoal do taller mecánico, factoría e cámaras de oficios varios, así como sección industrial, á readmisión dos solicitantes, cando estes a cursasen, polo menos, con dous meses de antelación, sempre e cando a excedencia sexa igual ou superior a un ano.
Xornada, vacacións e licencias
Artigo 15º.-Xornada anual e horario.
A xornada de traballo será de 1.749 horas de traballo efectivo ó ano. Para tal efecto non se computarán como tempo efectivo de traballo os descansos obrigatorios ou pactados.
O tempo de traballo computarase ó inicio e ó final da xornada no posto de traballo.
A xornada anual desenvolverase do seguinte xeito:
Persoal de factoría e terra:
Factoría e terra (quenda de mañá)
De luns a venres de 6.45 horas a 14.45 horas, con descanso de quince minutos.
Factoría e terra (quenda de tarde)
De luns a venres de 14.45 horas a 22.45 horas, con descanso de quince minutos.
Factoría e terra (quenda de noite-limpeza)
De luns a venres de 22.45 horas a 6.45 horas, con descanso de quince minutos.
Persoal de oficina:
Primeira quenda
Horario de inverno: de 8 a 15 horas de luns a venres
de 8 a 13 horas os sábados
Horario de verán: de 8 a 14.30 horas os luns a venres
de 8 a 13 horas os sábados
Segunda quenda
Horario de inverno: de 8 a 13.30 e de 14.15 a 16.45 horas
Horario de verán: de 8 a 14.30 horas
O horario do persoal da segunda quenda é de luns a venres.
A xornada intensiva de verán para o persoal de oficinas estenderase desde o 17-6 ó 20-9 para o ano 1995.
Nas cámaras que teñan que estar a -18ºC ou inferiores cunha oscilación de máis ou menos 3º, a permanencia no interior destas será de 6 horas.
Cada 45 minutos de traballo ininterrompido no interior das cámaras, ou entrando ou saíndo continuamente (carreteiros) concederáselles un descanso de recuperación de 15 minutos.
Completarán a xornada normal en traballos que se realizarán no exterior das cámaras.
De mutuo acordo entre a empresa e o comité, realizarase o calendario anual, que abranguerá a relación de días non laborables e período de vacacións efectuando as correccións de horario que sexan pertinentes. Os días 24 e 31 de decembro non serán laborables.
Os horarios de traballo previstos neste artigo axustaranse en función do que resulte do calendario laboral que se pacte, e respectaranse o número de horas efectivas anuais (1.749).
Artigo 16º.-Horas extraordinarias.
É firme vontade de ámbalas partes a reducción ó mínimo de horas extraordinarias.
Para o suposto de que fose necesaria a súa realización, retribuiranse segundo o valor dunha hora ordinaria incrementada nun 75%.
Para as horas extraordinarias realizadas en sábados, domingos e festivos, o valor das ditas horas incrementarase nun 100%.
Non se terán en conta, para efectos da duración máxima da xornada ordinaria laboral, nin para o cómputo do número máximo das horas extraordinarias
autorizadas, o exceso das traballadas para previr ou reparar sinistros ou outros danos extraordinarios e urxentes ou por causa de forza maior, sen prexuízo do seu aboamento como se se tratasen de horas extraordinarias.
Consideraranse horas extraordinarias estructurais as realizadas nos seguintes casos.
-Incidencias nas quendas de traballo provocadas por licencias retribuídas ou I.T.
-Ausencia imprevista do relevo no traballo a quenda.
-Reparacións perentorias.
-Peches de exercicio contable e confección de orzamentos.
As horas extraordinarias estructurais pactaranse co comité de empresa.
Artigo 17º.-Vacacións.
Todo o persoal afectado polo presente convenio terá trinta días naturais de vacacións, e aboaránselle estas coa retribución do salario da táboa anexa maila antigüidade. A forma da súa realización para o persoal da sección industrial será, como o pasado ano, en dúas quendas voluntarias nos meses de xullo e agosto.
Se por dificultades imprevistas fose preciso efectuar un reaxuste de vacacións estableceranse de mutuo acordo, de xeito que se salven os inconvenientes que poidan afecta-lo normal desenvolvemento do programa da empresa.
En canto ás vacacións do persoal masculino que polo seu traballo deben cubrir postos de mantemento, sala de máquinas e resto do persoal, serán de forma rotativa, de tal xeito que ós que por sorteo lles corresponda unha das datas que elixa, ó ano seguinte corresponderanlle as datas alternativas.
Todas aquelas persoas que estean en situación de I.T. durante o período de vacacións poderán desfrutalas en calquera outra época dentro do ano.
O persoal de oficinas desfrutará as vacacións de acordo co mesmo criterio que ata a data, se ben de forma preferente entre os meses de xuño a setembro.
Artigo 18º.-Licencias retribuídas.
O persoal afectado polo presente convenio terá dereito a solicitar licencias retribuídas nos casos seguintes:
a) Casamento: 15 días naturais.
b) Parto da esposa: 3 días naturais.
c) Enfermidade con internamento ou intervención cirúrxica, tamén con internamento do cónxuxe, pais, pais políticos, avós e fillos: 3 días naturais (será preciso xustificante médico acreditativo).
d) Falecemento do cónxuxe, pais, fillos, irmáns e fillos políticos: 3 días retribuídos e 2 sen retribuír, se residen na provincia de Pontevedra; 4 días retri
buídos e 1 sen retribuír, se é no resto de Galicia e 5 días retribuídos, no resto de España.
e) Falecemento de avós, netos e pais políticos: 2 días.
f) Falecemento de irmáns políticos, avós políticos: 2 días; sobriños, sobriños políticos, tíos e tíos políticos: 2 días.
g) Por intervención cirúrxica, sen internamento, ou recoñecemento médico de pais, cónxuxes e fillos: 1 día.
h) Por cambio de domicilio: 1 día.
i) Cando haxa que acudir a probas de recoñecementos médicos en centros sanitarios, no que se inclúe a Casa do Mar, con xustificante médico: 1 día.
Nos casos nos que se teña que acompañar ó cónxuxe e fillos a recoñecemento médico a Santiago de Compostela por enfermidade: 1 día, a Madrid ou outras cidades fóra da rexión: 3 días; e cando esta saída fose a Madrid a consecuencia de operación ou intervención cirúrxica con internamento: 5 días, acreditarase, en todo caso, con certificado médico.
Consulta médica en Chapela: 2 horas; Casa do Mar de Vigo e Redondela: 3 horas; Moaña, Pontevedra, Ponteareas, Salceda de Caselas, Domaio, Cangas e Meixoeiro: o tempo total da consulta, así como o tempo de desprazamento de regreso, debidamente acreditados.
Concédenselles os mesmos dereitos á compañeira/o cá esposa/o, tanto nos casos de parto como de enfermidade.
Tódolos días indicados anteriormente considéranse naturais.
Réxime económico
Artigo 19º.-Crecemento salarial.
A partir do 1 de xaneiro de 1996 rexerán para tódolos efectos os salarios que figuran na táboa anexa e que supuxeron un incremento salarial do 3,5% máis 2.000 ptas. en cada unha das 16 pagas, incrementando o plus de convenio. O incremento porcentual, é dicir o 3,5%, aplicarase a tódolos conceptos salariais, agás ás bolsas de vacacións, fondo social e seguro de accidentes (neste último caso aplicarase o 4%).
Artigo 20º.-Principios xerais sobre retribución.
Tódolos conceptos salariais que figuran no presente convenio teñen a consideración de retribucións brutas, e sobre elas efectuaranse as correspondentes deduccións por Seguridade Social, IRPF e calquera outra que puidese correspoder por aplicación legal.
Artigo 21º.-Conceptos retributivos.
Salario base
Complementos salariais:
* Plus de convenio
* Antigüidade
* Plus de asistencia
* Prima de tarde
* Plus de noite
* Plus de traballos especiais
* Plus de sección corte de peixe
* Prima por traballo a baixa temperatura
* Plus de traballos penosos, insalubres, perigosos
* Plus controlista
* Pagas extraordinarias
* Bolsa de vacacións
* Plus de distancia
* Axudas de custo
Salario base
Salario por unidade de tempo ou de obra: o determinado no convenio e que figura na táboa salarial.
Complementos salariais
Plus de convenio
Salario de cualificación por categoría profesional e é o que consta na táboa salarial.
Antigüidade
Tódolos traballadores afectados por este convenio desfrutarán de bienios ó 5% do salario mínimo interprofesional ata o máximo de 16 bienios, segundo o cálculo seguinte:
a) Bienios cumpridos ata o 1-1-1985 calculados a razón do 5% do salario mínimo interprofesional de 37.170 ptas.
b) Bienios que se cumprirán a partir do 1-1-1985 calculados a razón do 5% do salario mínimo interprofesional vixente no momento de cumprir tal bienio.
A cantidade resultante de suma-lo calculado nos apartados a) e b) configurará o importe da antigüidade adquirida.
A antigüidade computarase desde o 1 de xaneiro do ano no que se cumpra o bienio.
Plus de asistencia
Está en relación cos días de asistencia ó traballo e é o que consta na táboa salarial.
Prima de tarde
Establécese unha prima por traballar na quenda de tarde que consistirá na cantidade de 7.038 ptas. mensuais ou a cantidade que proporcionalmente corresponda en función dos días efectivamente traballados nesa quenda, que supoñen 335 ptas./tarde.
Esta prima devengarase nas pagas extras e absorbe as cantidades que se viñan percibindo por este concepto e polo plus de tarde.
Respectaranse as condicións máis beneficiosas que puidese ter algún traballador por estes conceptos, no seu conxunto global.
Plus de noite
Incrementarase o plus actual nun 3,5%. Este plus aboarase nas pagas extras.
Plus de traballos especiais
Percibirase segundo consta na táboa salarial anexa.
Plus da sección de corte de peixe
Establécese un plus de 53 ptas./hora para as persoas que prestan o seu traballo no equipo da sección de corte de peixe. Tamén percibirá o dito plus o persoal que non sexa do equipo e que voluntariamente se incorpore a este.
Prima por traballo a baixa temperatura
Establécese esta prima para os que desenvolven o seu traballo no interior de cámaras frigoríficas a temperaturas iguais ou inferiores a -18ºC. A esta prima aplicaráselle sempre o aumento acordado en cada convenio, non afectándolle a incidencia do salario mínimo interprofesional. En todo caso, respectaranse no seu conxunto as condicións máis beneficiosas que nestes momentos desfrutan os conductores de carretas elevadoras, que de acordo con este artigo, percibirán unha prima por día de traballo de 517 ptas.
Plus de traballos penosos, molestos, insalubres e perigosos.
A todo o persoal que polas súas condicións de traballo se lle recoñeza actualmente unha prima polos ditos traballos, seguiráselle recoñecendo este dereito na contía que figura na táboa salarial anexa. Os ditos traballos pagaranse proporcionalmente ó tempo traballado.
Os demais traballadores que eventualmente teñan que realizar traballos desta natureza percibirán un plus do 20% do salario base, en proporción ó tempo traballado nestas condicións e mentres realicen o dito traballo.
Plus de controlista.
Establécese un plus de 231 ptas. por día traballado.
Pagas extraordinarias.
Todo o persoal afectado por este convenio, desfrutará de catro pagas extraordinarias aboadas a razón dunha mensualidade composta por salario base, plus de convenio, plus de distancia, prima de tarde, plus de traballos especiais e plus de traballos penosos, maila antigüidade, como se vén facendo ata a data. As ditas pagas corresponden:
a) O día 15 de marzo.
b) O día 15 de xullo.
c) O día 15 de outubro.
d) O día 15 de decembro.
As ditas pagas faranse efectivas o día laboral inmediatamente anterior á data sinalada neste artigo.
As pagas correspondentes ós días 15 de xullo e 15 de decembro serán aboadas por semestres. A paga correspondente ó 15 de marzo, para o persoal que ingrese durante o ano, farase efectiva o día 31 de decembro, aboándoselle na súa parte proporcional. A paga correspondente ó 15 de outubro seguirase devengando de acordo coa normativa da empresa, de considerala como paga de asistencia ó traballo e proporcionalmente ó tempo traballado, tendo tal consideración a situación de incapacidade temporal laboral derivada de accidente laboral, maternidade e cando se produza a consecuencia de intervención cirúrxica ou de hospitalización.
Bolsa de vacacións
Recoñéceselle a todo o persoal afectado polo convenio unha bolsa de vacacións de 47.000 ptas. que se fará efectiva coa paga de xullo.
Plus de distancia
Todo o persoal afectado por este convenio percibirá, en concepto de plus de distancia, a cantidade que figura na táboa anexa.
Axudas de custo
Cando por necesidades da actividade da empresa se considere preciso a continuidade da xornada laboral habitual de traballo en tres ou máis horas, a empresa facilitará unha axuda de custos de xantar de 1.656 ptas. Deberá daquela partirse a xornada laboral, considerándose un tempo entre 30 e 60 minutos, segundo as circunstancias, para poder realiza-lo dito xantar. Se esta continuidade da xornada laboral corresponde á segunda quenda de traballo, aplicarase cando se realicen dúas ou máis horas extraordinarias despois da dita xornada, en concepto de cea.
En casos especiais, co consentimento do seu xefe correspondente, se as necesidades do traballo urxente o requiren, poderíase autoriza-lo pagamento da axuda de custos sen a partición da xornada laboral establecida.
Beneficios sociais
Artigo 22º.-Idade de xubilación.
Queda establecida a xubilación, con carácter obrigatorio, ós 65 anos de idade, para todo o persoal da empresa, sempre que reúna os requisitos necesarios para ter dereito á pensión de xubilación do sistema da Seguridade Social española.
Ó se produci-la xubilación de acordo co disposto no parágrafo anterior, recoñeceráselle ó traballador un premio segundo a seguinte escala:
a) Traballadores cunha antigüidade de 30 anos: catro mensualidades.
b) Traballadores cunha antigüidade de 20 anos: tres mensualidades.
c) Traballadores cunha antigüidade de 15 anos: dúas mensualidades.
d) Traballadores cunha antigüidade de 10 anos: unha mensualidade.
Se a xubilación se anticipa á idade de 65 anos será gratificado con quince días máis por ano de anticipación.
Artigo 23º.-Seguro.
Con independencia das indemnizacións obrigatorias da Seguridade Social, a empresa mediante a concertación de póliza de cobertura cunha entidade aseguradora, garantiralles ós seus traballadores ou, se é o caso, ós seus herdeiros, e nos supostos que se especifican, as seguintes indemnizacións, cubrindo a póliza as 24 horas do día:
1.1. Por accidente non laboral.
1.1.1. Morte do traballador.
Os herdeiros do traballador, ou no seu defecto a persoa que el designase, percibirán a cantidade de seis millóns novecentas noventa e nove mil oitocentas setenta e catro pesetas.
1.1.2. Invalidez permanente total ou invalidez absoluta do traballador e gran invalidez.
O traballador percibirá a cantidade de seis millóns novecentas noventa e nove mil oitocentas setenta e catro pesetas para os primeiros casos, trece millóns novecentos noventa e nove mil stecentas corenta e oito pesetas para os segundos e vintesete millóns novecentas noventa e nove mil catrocentas noventa e sete pesetas para os terceiros.
1.2. Por accidente laboral.
1.2.1. Morte do traballador.
Os herdeiros do traballador ou, no seu defecto, a persoa que el mesmo designase, percibirán a cantidade de seis millóns novecentas noventa e nove mil oitocentas setenta e catro pesetas.
1.2.2. Invalidez permanente total, invalidez permanente absoluta e gran invalidez.
O traballador percibirá a cantidade de seis millóns novecentas noventa e nove mil oitocentas setenta e
catro pesetas para os primeiros casos, trece millóns novecentas noventa e nove mil setecentas corenta e oito pesetas para os segundos e vintesete millóns novecentas noventa e nove mil catrocentas noventa e sete pesetas para os terceiros.
Entenderase por invalidez permanente total a incapacidade que inhabilite ó traballador, de xeito permanente, para realizar todas ou as fundamentais tarefas da súa profesión habitual, aínda que se poida dedicar a outra distinta.
Entenderase por invalidez permanente absoluta a incapacidade que inhabilite o traballador de xeito permanente, para toda profesión ou oficio.
Entenderase por gran invalidez, a situación do traballador para efectos de incapacidade permanente absoluta e que por consecuencia de perdas anatómicas ou funcionais necesite a asistencia doutra persoa para realiza-los actos máis esenciais da vida, como son vestirse, desprazarse, comer ou análogos.
As condicións quedan establecidas na póliza de seguros da que se lle entregará unha copia oficial ó comité de empresa.
Artigo 24º.-Complemento I.T.
Cando o persoal da empresa estea en situación de incapacidade temporal, terá un complemento de ata o 100% do salario real, é dicir, percibirá a totalidade do salario como se estivese traballando.
Artigo 25º.-Fondo social.
A empresa destinará 5.264.000 ptas. para o ano de vixencia do convenio ó fondo social, que será distribuída polo comité de empresa para bolsas de estudio e outros fins sociais. A dita cantidade, acumulada ós restos que puidesen quedar do ano anterior, será distribuída ben durante este ano ou ben o próximo ano, aumentando no importe do fondo do dito ano.
Artigo 26º.-Utilización de servicios de comedor.
Todo o persoal da empresa ten dereito ó servicio de cociña e comedores de acordo coas condicións actuais, dentro do horario establecido para tal efecto.
Artigo 27º.-Tenda de peixe.
Todo o persoal pertencente ó cadro de Pescanova S.A., ou pensionistas desta, terá dereito á adquisición de productos comercializados por Pescanova, S.A. na tenda establecida para o efecto, nas condicións de pagamento seguintes:
A) Pagamento a crédito.
1) Productos elaborados/precociñados/vexetais, prezo de lista oficial de Pescanova, cun desconto do 5%.
2) Marisco: prezo de lista oficial de Pescanova, cun desconto de 20 ptas./Kg.
3. Peixe enteiro/filetes/a granel: prezo de lista oficial de Pescanova.
Sobre os prezos anteriores incrementarase o IVE sobre o prezo de lista.
B) Pagamento ó contado.
1) Producto elaborados/precociñados/vexetais, prezo de lista oficial de Pescanova, cun desconto do 7,5%.
2) Marisco: prezo de lista oficial de Pescanova, cun desconto de 30 ptas./kg.
3) Peixe enteiro/filete/a granel: prezo de lista oficial de Pescanova, cun desconto de 3 ptas./kg.
Sobre os prezos anteriores incrementarase o IVE sobre o prezo de lista.
Cando a empresa faga unha promoción dos seus productos nas grandes áreas de alimentación da zona, esta farase igualmente na tenda da factoría.
Artigo 28º.-Fondo de pensións.
A empresa estudiará un plan de pensións para todo o persoal dela que no seu momento deberá ter carácter voluntario para os traballadores.
Seguridade e saúde laboral
Artigo 29º.-Principio xeral.
As partes que asinan o presente convenio comprométense a adopta-las medidas necesarias para asegura-la eficaz prevención dos riscos para a saúde e integridade física dos traballadores, actuando sobre os métodos e as condicións de traballo, así como sobre a actitude das persoas.
Artigo 30º.-Recoñecementos médicos.
Levarase a cabo un recoñecemento médico, con carácter previo á incorporación ó traballo, que será efctuado polo servicio médico de empresa ou por unha entidade coa que se concerte tal prestación.
Anualmente e en todo caso sempre que así proceda, efectuarase un recoñecemento médico a tódolos traballadores.
Artigo 31º.-Roupa e medios de protección persoal.
A empresa proporcionaralles ós traballadores os medios e roupa de protección persoal que resulten esixibles para cada situación de risco.
Artigo 32º.-Vestiario.
Polas circunstancias do traballo, será preciso que certo persoal utilice vestiarios adecuados ó traballo que efectúa. En tal caso, a empresa proverá o vestiario correspondente. A definición de tal vestiario e a súa calidade, así como os prazos de entrega será consecuencia das disposicións vixentes, dos requirimentos especiais de traballo e do estudio técnico-sanitario deste, oído o comité de seguridade e hixiene da empresa. O dito vestiario será de dous equipos anuais e farase entrega del na primeira quincena do mes de xaneiro.
Debido á mobilidade funcional, a tódolos traballadores que teñan que ocupar postos de traballo a baixa temperatura (paella, filete, etc.) incorporaráselles nos equipos anuais un xersei (modelo Frinova) e uns quentadores.
Dereitos sindicais
Artigo 33º.-Garantías sindicais.
A empresa garantirá o exercicio de tódolos dereitos dos representantes legais dos traballadores recoñecidos no Estatuto dos traballadores, texto refundido (R.d. lei 1/1995, do 24 de marzo).
Non serán contabilizadas no cómputo de horas sindicais as destinadas a reunións coa empresa.
O crédito horario poderase acumular nun ou varios traballadores trimestralmente, logo de aviso e negociación coa empresa.
O crédito horario non se computará para efectos de cálculo do índice de absentismo.
Artigo 34º.-Asembleas.
Os traballadores de Pescanova Chapela, S.A., ademais do dereito recoñecido no artigo 77 do E.T. terán dereito á celebración dentro da xornada laboral dun máximo de tres asembleas ó ano cunha duración non superior a trinta minutos cada unha.
A convocatoria e desenvolvemento destas asembleas regularase polo disposto no E.T.
Asínase en Chapela, vintetrés de setembro de mil novecentos noventa e seis.
Pola empresaPolo comité
Categorías base asistencia convenio distancia especiais penosos mes ano
Salario
Plus
Plus
Plus
Traballos
Traballos
Total
Total
de datos
I. Titulados Grado Sup. e asimilados 75.621 13.847 118.330 10.484 218.282 3.437.124 Técnicos 71.242 12.533 95.763 10.338 189.876 2.987.884 Asistente social 71.242 6.410 71.333 9.099 158.085 2.503.704 Titulado superior en prácticas
a) Primeiro ano 75.621 56.804 132.425 2.118.800 b) Segundo ano 75.621 38.493 164.114 2.625.824 Titulado G. medio en prácticas
2.000 a) Primeiro ano 71.242 27.380 98.622 1.577.952 b) Segundo ano 71.242 50.620 121.862 1.949.792 Xefe métodos e tempos 71.242 12.391 84.572 10.238 178.443 2.805.524
II. Non titulados Encargados producción 71.242 6.691 65.443 9.195 152.571 2.414.372 Técnico mantemento 71.242 6.534 52.725 9.189 6.534 146.224 2.313.448 Encargado frigorista 71.242 6.570 46.747 9.195 14.248 148.002 2.341.752 Encargado maior 71.242 6.615 47.089 9.195 14.248 148.389 2.347.764 Creativo marketing 71.242 5.655 57.587 9.195 143.679 2.276.244 Contramaestre de 1ª 71.242 6.512 39.287 9.195 126.236 1.993.728 Capataces 71.242 6.462 28.792 9.195 115.691 1.825.208
III. Técnicos e procesos
Operador 71.242 6.497 50.311 9.195 137.695 2.175.332 Programador-operador 71.242 7.075 57.466 9.195 144.978 2.913.348 Programador 71.242 7.075 55.167 9.195 142.679 2.254.564 Técnico organización 1ª A 71.242 5.150 50.584 9.195 136.171 2.158.564 Técnico organización 1ª B 71.242 4.888 47.769 9.195 133.094 2.109.952
IV. Administrativos Xefe de 1ª A 71.242 8.442 106.987 9.191 195.862 3.100.024 Xefe de 1ª B 71.242 7.458 85.079 9.191 172.970 2.737.688 Xefe de 1ª C 71.242 6.362 82.296 9.191 169.091 2.680.008 Xefe de 2ª A 71.242 7.156 72.519 9.191 160.108 2.533.104 Xefe de 2ª B 71.242 7.154 65.461 9.191 153.048 2.420.152 Xefe de 3ª 71.242 7.154 61.556 9.191 149.143 2.357.672 Oficial 1ª A 71.242 5.460 53.530 9.598 139.830 2.215.440 Oficial 1ª B 71.424 5.150 49.632 9.191 135.215 2.142.840 Oficial 2ª A 71.242 4.888 46.498 9.191 131.819 2.089.552 Oficial 2ª B 71.242 4.345 38.749 9.191 123.527 1.959.052 Auxiliar 71.242 3.818 25.655 9.191 109.906 1.743.224 Auxiliar de entrada 71.242 2.822 13.982 9.191 97.237 1.544.504 Axudante de laboratorio 71.242 3.818 28.443 9.191 112.694 1.787.832 Telefonista 71.242 4.345 37.516 9.191 122.294 1.939.324
V. Subalternos Chofer camión 71.242 6.542 47.207 9.191 134.182 2.120.744 Ordenanza 71.242 2.836 23.707 3.183 100.968 1.604.144 Chofer 71.242 6.542 42.100 9.191 129.075 2.039.032 Conserxe mayor 71.242 4.300 39.026 9.191 123.759 1.962.944 Dependente principal 71.242 4.345 38.749 9.191 123.527 1.959.052 Dependente caixeiro 71.242 3.818 25.655 9.191 109.906 1.743.224 Auxiliar economato 71.242 3.818 25.655 9.191 109.906 1.743.224 Limpador 1/2 xornada 35.622 1.833 14.467 6.304 58.226 924.284
VI. Taller mecánico Encargado 71.242 6.535 53.734 9.193 140.704 2.225.124 Oficial 1ª 71.242 6.535 47.535 9.193 134.505 2.125.940 Oficial de 2ª 71.242 6.484 36.505 9.193 123.424 1.948.848 Oficial 3ª 71.242 6.484 31.052 9.193 7.124 125.095 1.975.584 Albañil oficial 71.242 6.484 29.956 9.193 116.875 1.844.064 Electricista 1ª 71.242 6.484 47.383 9.193 7.124 141.426 2.236.880 Electricista 2ª 71.242 6.484 37.001 9.193 7.124 131.044 2.070.768
Categorías base asistencia convenio distancia especiais penosos mes ano
Salario
Plus
Plus
Plus
Traballos
Traballos
Total
Total
oficios varios
e cámaras
Electricista 3ª 71.242 6.484 34.339 9.193 7.124 128.382 2.082.176
VII Factoría e cámaras
Encargado 71.242 7.111 29.914 8.530 14.248 131.045 2.068.276 Xefe de equipo 71.242 6.512 27.961 8.731 14.248 128.694 2.033.056 Especialista 71.242 6.472 16.812 8.486 14.248 117.262 1.850.296 Mozo 71.242 6.454 14.623 8.530 14.248 115.097 1.815.736 Peón 71.242 5.396 23.569 9.193 109.400 1.728.816 Cociñeiro maior 71.242 6.872 56.188 9.189 14.248 157.739 2.496.336 Cociñeiro comedor 71.242 6.502 33.793 9.189 7.124 127.850 2.019.592 Cociñeiro 71.242 6.672 29.942 9.193 7.124 124.263 1.961.160
VIII Especialistas Especialista taller Mecáni. 71.242 6.471 32.142 9.189 119.044 1.878.820 Especialista albañil 71.242 6.471 29.955 9.189 116.857 1.843.828 Especialista prefrito 71.242 6.471 16.812 9.189 14.248 117.962 1.861.508 Especialista cámaras 71.242 6.471 16.812 9.189 14.248 117.962 1.861.508 Especialista operacións 71.242 6.471 17.630 9.189 14.248 118.780 1.874.596
IX. Taller de reparación Encargado/xefe equipo 71.242 6.533 53.274 9.189 6.532 146.499 2.322.188 Oficial 1ª axustador 71.242 6.533 47.535 9.189 134.499 2.125.852 Oficial 2ª axustador 71.242 6.484 36.505 9.189 123.420 1.948.784 Oficial 2ª axustador 71.242 6.462 31.893 9.189 118.786 1.874.728 Oficial 1ª torneiro 71.242 6.535 47.534 9.189 134.500 2.125.860 Oficial 2ª torneiro 71.242 6.484 35.285 9.189 122.200 1.929.264 Oficial 2ª soldador 71.242 6.484 35.285 9.189 122.200 1.929.264
X. Sección industrial Maestra operaria 71.242 6.021 23.534 8.418 10.344 121.559 1.912.860 Especialista 71.242 7.980 15.582 8.401 3.026 106.501 1.672.096 Operario/a 71.242 7.024 15.582 6.519 2.900 103.537 1.628.496
XI. Rederia Redero 71.242 6.512 39.956 9.189 126.899 2.004.336
XII. Servicio vixilancia Xefe de guardiáns 71.242 6.533 44.874 9.189 131.838 2.083.276 Guardiáns terra 71.242 6.423 23.712 9.189 110.566 1.743.364
XIII. Inspec. Admon.
Inspector Admon. A 71.242 7.571 87.215 9.191 175.219 2.773.220 Inspector Admon. B 71.242 6.075 54.941 9.191 141.449 2.238.884 Inspector Admon. C 71.242 6.054 49.828 9.191 136.315 2.156.824 Xefe de tráfico 71.242 6.611 61.078 9.191 148.122 2.343.508
9458
