Aprobado inicialmente polo Concello Pleno, con data 3 de novembro de 1994 o estudio de detalle Coruña na U.E. II-08 (3202/411), redactado polo arquitecto Gabriel Santos Zas e visado polo COAG con datas 22 de xullo e 22 de setembro de 1994; sométese a información pública polo prazo de quince días, mediante anuncios no Diario Oficial de Galicia, BOP nun dos xornais de maior circulación da provincia e máis no taboleiro de anuncios do concello, con notificación persoal ós propietarios e demais interesados directamente afectados.
Sinálase como área afectada pola suspensión de licencias de parcelación, edificación e demolición a abranguida polo seu ámbito, coa seguinte delimitación: norte, colexio E. Pardo Bazán (Chouzo); sur, travesía rúa Coruña; leste, travesía rúa Coruña; e oeste, colexio E. Pardo Bazán.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, coa indicación de que a documentación se atopa na Oficina Municipal de Información (planta baixa da Casa do Concello) para exame e alegacións.
Vigo, 7 de outubro de 1996.
Manuel Pérez Álvarez
Alcalde
9368