A Corporación Municipal en Pleno deste Concello, en sesión extraordinaria celebrada o 21 de outubro de 1996, acordou prestar aprobación definitiva á modificación puntual das normas subsidiarias municipais en Areas-Bordóns, e o mencionado acordo ten a parte dispositiva que segue:

Primeiro.-Aprobar definitivamnete a modificación puntual das normas subsidiarias municipais en Areas-Bordóns.

Segundo.-O acto de aprobación definitiva publicarase no Diario Oficial de Galicia, comprensivo do alcance da modificación.

Terceiro.-Daráselle traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado, con tódolos planos e documentos que integran a modificación puntual das normas subsidiarias municipais, debidamente dilixenciado polo secretario do concello.

Cuarto.-A eficacia da aprobación definitiva e a entrada en vigor da modificación puntual das normas subsidiarias municipais, queda condicionada á xustificación no expediente de estar cumprido o descrito nos apartados anteriores.

Contra este acordo, que é definitivo en vía administrativa, poderase interpor directamente e no prazo de dous meses, recurso contencioso-adminis

trativo, ante o Tribunal Superior de Xustiza de Galicia na Coruña, logo da comunicación ó órgano autor do acto ó que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que poida exercer, se é o caso, calquera outro recurso que considere procedente.

Sanxenxo, 14 de novembro de 1996.

J. Luis Rodríguez Lorenzo

Alcalde

8660