Visto o expediente de recoñecemento de interese galego e a inscrición no Rexistro de Fundacións de Interese Galego da fundación Julio Prieto Nespereira, con domicilio en Edificio Simeón, r/ do Progreso. Ourense.

Supostos de feito:

Primeiro.-Esther Gloria Prieto Alcaraz, na súa calidade de presidenta da fundación, en escrito do 17 de xullo de 1996, formulou solicitude de clasificación dela para efectos da súa inscrición no Rexistro de Fundacións de Interese Galego.

Segundo.-A fundación constitúese en escritura pública, outorgada en Santiago de Compostela, o día 16 de xullo de 1996, ante o notario do Ilustre Colexio da Coruña José Antonio Montero Pardo, co número mil trescentos trece do seu protocolo por: Esther Gloria Prieto Alcaraz, Jesús Pérez Varela en representación da Consellería de Cultura e Comunicación Social, José Luis Baltar en repre

sentación da Deputación de Ourense e David Ferrer Garrido como presidente da Caixa de Aforros Provincial de Ourense.

Terceiro.-A comisión integrada polos secretarios xerais de tódalas consellerías elevoulle ó conselleiro da Presidencia e Administración Pública a proposta de clasificación como de interese cultural la Fundación Julio Prieto Nespereira, dado o seu obxecto e finalidade, polo que, cumpríndose os requisitos esixidos na Lei 7/1983, do 22 de xuño, e na Lei 11/1991, do 8 de novembro, de reforma da lei anterior, de réxime das fundacións de interese galego, e segundo establece o artigo 32.1º e 2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, procede a súa clasificación como de interese cultural e a súa adscrición á Consellería de Cultura e Comunicación Social.

Cuarto.-En vista da proposta da comisión de secretarios xerais pola orde da Consellería da Presidencia e Administración Pública, do 28 de outubro de 1996 (DOG do 8 de novembro) clasificouse como de interese cultural a Fundación Julio Prieto Nespereira, tendo en conta o disposto no artigo 32.3º.a) do Regulamento de organización e funcionamento do protectorado das fundacións de interese galego.

Quinto.-Segundo consta no artigo catro dos seus estatutos, o obxecto da fundación é a protección, divulgación es estudio da obra do gravador e pintor ourensán Julio Prieto Nespereira, así como a conservación do seu patrimonio cultural e artístico para garanti-la súa permanencia no tempo.

Sexto.-Na escritura pública pola que se constitúe a fundación, constan, entre outros, os seguintes puntos: acreditación da personalidade dos fundadores, dotación inicial da fundación, estatutos nos que consta a denominación da fundación como Fundación Julio Prieto Nespereira, capacidade xurídica, enderezo e obxecto.

O padroado da fundación estará constituído por Esther Gloria Prieto Alcaraz como presidenta vitalicia, Jesús Pérez Varela, José Luis Baltar e David Ferrer Garrido. Esther Prieto Alcaraz, como presidenta da Fundación, nomea como vocais dela a: Santiago Fernández Mosquera, Amabel Míguez de la Sierra, Augusto Villanueva Díaz, Raúl González Pérez, Antonio Miralles Garrido e Benito Cid Salgado.

Fundamentos de dereito:

Primeiro.-O artigo 34 da Constitución española recoñece o dereito de fundación para fins de interese xeral de acordo coa lei, e o artigo 27.26º do Estatuto de autonomía para Galicia outórgalle competencia exclusiva sobre o réxime das fundacións de interese galego.

Segundo.-Conforme o artigo 32.3º a) do Regulamento de organización e funcionamento do pro

tectorado das fundacións de interese galego, así como o artigo 1 do Decreto 12/1990, é competencia desta consellería a declaración de interese galego e inscrición no Rexistro de Fundacións de Interese Galego da Fundación Julio Prieto Nespereira, dado o seu obxecto, coincidente coas competencias desenvolvidas pola Consellería de Cultura e Comunicación Social, asumindo as funcións que en canto a protectorado lle corresponden á Xunta de Galicia.

Terceiro.-Ó amparo do disposto no artigo 7.5º da Lei 7/1983, do 22 de xuño, á realización da finalidade fundacional débense destinar, cando menos, o oitenta por cento das rendas que obteña a fundación e dos outros ingresos que non formen parte da dotación da fundación.

Cuarto.-A Lei 11/1991, do 8 de novembro, dá nova redacción ó artigo 21.2º da Lei 7/1983, establecendo a obriga de, por unha banda, formular e presenta-lo orzamento de ingresos e gastos ó protectorado con anterioridade ó inicio do exercicio económico e, por outra, a de efectuar un inventario balance, pechado na data da finalización do exercicio, unha memoria das actividades realizadas ó longo do ano e de xestión económica do patrimonio, así como a liquidación do orzamento de ingresos e gastos do ano anterior, que deberán presentárselle ó protectorado no prazo de seis meses desde a data do peche do exercicio.

Este conxunto de obrigas débense entender asumidas pola fundación, aínda que non se recollan expresamente nos seus estatutos.

Quinto.-Á vista do exposto pódense entender substancialmente cumpridos os requisitos legais e regulamentarios para a declaración de interese galego e a súa inscrición no Rexistro de Fundacións da Sección de Fundacións da Consellería de Cultura e Comunicación Social segundo se desprende dos artigos 5, 6, 7, 8, 11.1º e 18 da Lei 7/1983, en relación cos artigos 2, 3, 4, 5 e 33 do Decreto 248/1992.

Por todo isto

DISPOÑO:

Primeiro.-Recoñecer e declarar de interese galego a Fundación Julio Prieto Nespereira.

Segundo.-Ordena-la súa inscrición no Rexistro de Fundacións de Interese Galego, Sección de Fundacións da Consellería de Cultura e Comunicación Social.

Terceiro.-Aproba-los seus estatutos e a formación do seu órgano de goberno.

Cuarto.-A dita fundación queda sometida ó disposto no resto da normativa de xeral aplicación, en especial á obriga de dárlle-la publicidade suficiente ás súas actividades e á ausencia de ánimo de lucro na prestación dos seus servicios, quedando obrigada a rende-las contas anualmente ó protectorado e a xustificar, a través dunha memoria anual,

o cumprimento das cargas fundacionais, así como a presenta-lo proxecto de orzamento antes do último mes do exercicio económico anterior a aquel para o que se formula, debendo solicita-las preceptivas autorizacións do protectorado cando sexan necesarias.

Santiago de Compostela, 28 de novembro de 1996.

Jesús Pérez Varela

Conselleiro de Cultura e Comunicación Social

9097