O Decreto 313/1995, do 23 de novembro, que regula o recoñecemento das escolas de tempo libre, establece no seu artigo 3 que o recoñecemento das escolas de tempo libre e a aprobación dos seus programas de formación, correspóndelle á Consellería de Familia, Muller e Xuventude.

Examinado o expediente promovido por Marta María Matilla Cortés, en nome e representación da sociedade mercantil Ocio Galicia, S.L., no que solicita o recoñecemento e a aprobación dos programas de formación da escola de tempo libre Quercus, a Dirección Xeral de Xuventude efectúa proposta favorable ó recoñecemento solicitado, por ser conforme coa lexislación vixente, vistas as normas reguladoras desta materia (Decreto 313/1995, do 23 de novembro). Por todo isto,

DISPOÑO:

1º. Recoñecerlle á escola de tempo libre Quercus a condición de escola de tempo libre ó aproba-los programas de formación propostos para os niveis primeiro (monitores/as de actividades de tempo libre, especialistas en aire libre e natureza e medio ambiente) e segundo (directores/as de actividades de tempo libre e directores/as de campos de traballo) fixados no Decreto 313/1995, do 23 de novembro.

2º. Ordena-la inscrición da escola de tempo libre Quercus no rexistro de escolas de tempo libre dependente da Dirección Xeral de Xuventude, correspondéndolle o número G.17.

3º. A Consellería de Familia, Muller e Xuventude expedirá os títulos acreditativos correspondentes ás ensinanzas impartidas pola escola de tempo libre Quercus, sempre de acordo co establecido no Decreto 313/1995, do 23 de novembro, quedando esta supeditada á supervisión e inspección ordenadas no artigo 3 do dito decreto.

Santiago de Compostela, 13 de febreiro de 1996.

Manuela López Besteiro

Conselleira de Familia, Muller e Xuventude

9095