De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común notifícanse por medio desta publicación as liquidacións relativas ós conceptos tributarios e contribuíntes dos que se indican datos e último domicilio coñecido, xa que a notificación polos medios habituais non puido practicarse.

Os acordos de liquidación foron dictados polo xefe do Servicio de Xestión Tributaria desta delegación de acordo coas normas reguladoras de cada tributo. A comprobación de valoración realizouse por técnico competente de acordo co regulado no artigo 52.1º da Lei xeral tributaria (Lei 230/1963, do 28 de decembro).

Prazos para efectua-lo ingreso: Art. 20 do Regulamento xeral de recadación aprobado polo R.D. 1684/1990, do 20 de decembro.

-Os notificados entre os días 1 e 15 de cada mes: desde a data desta publicación ata o día 5 do mes seguinte ou día hábil inmediato posterior.

-Os notificados entre os días 16 e derradeiro de cada mes: desde a data desta publicación ata o día 20 do mes seguinte ou inmediato hábil posterior.

As débedas non ingresadas en período voluntario faranse efectivas por vía de constrinximento.

Modo de ingreso:

1) Na caixa desta Delegación de Facenda Galega, r/ Michelena, 30 baixo, Pontevedra, en metálico ou cheque conformado.

2) A través do banco ou caixas de aforros, nos que non se precisa ter conta aberta, mediante o impreso de aboarei.

Recursos:

-Recurso de reposición no prazo de 15 días perante o órgano que practicou a liquidación ou reclamación económico-administrativa no prazo de 15 días perante o Tribunal Económico-Administrativo Rexional de Galicia (Secretaría Delegada de Pontevedra, praza de Ourense, 2, Pontevedra), ámbolos dous prazos contados a partir do día seguinte ó do recibo desta notificación. Sen que poidan simultanearse.

A interposición do recurso ou da reclamación non suspende a obriga de efectua-lo ingreso.

Tasación pericial contradictoria: ademais, no mesmo prazo, e en corrección do resultado da comprobación de valores, poderá promover a práctica da taxación pericial contradictoria, o que determinará a suspensión da liquidación e dos prazos de reclamación contra ela; a taxación solicitarase ante o xefe do Servicio de Xestión Tributaria desta delegación.

Pontevedra, 12 de novembro de 1996.

Francisco Lozano Rodríguez

Delegado territorial de Pontevedra

8733