Solicitada por José Rey Cambón, con enderezo nos Monizoques-Cancelo, 15142 Arteixo, A Coruña, a declaración de auga mineromedicinal do manancial denominado Loureda, tramitado o expediente de forma regulamentaria e informado favorablemente polo Instituto Tecnolóxico e Xeomineiro de España e emitido así mesmo informe da Dirección Xeral de Saúde Pública da Consellería de Sanidade da Xunta de Galicia, esta consellería, en atención ás competencias que lle son atribuídas pola Lei de minas do 21 de xullo de 1973, o Regulamento xeral do réxime da minería, do 25 de agosto de 1978, e demais normativa concordante, resolveu declarar en data 24 de febreiro de 1994 a condición de mineromedicinal das augas do manancial de Loureda, sito no concello de Arteixo, provincia da Coruña.

A Coruña, 28 de outubro de 1996.

Juan Ignacio Lizaur Otero

Delegado provincial da Coruña

8439