De conformidade co Decreto 141/1995, do 10 de maio, que no artigo un establece a composición do Consello Asesor de Investigación e Desenvolvemento Tecnolóxico de Galicia, dictado para lle dar cumprimento á Lei 12/1993, do 29 de xullo, de fomento de investigación e de desenvolvemento tecnolóxico de Galicia, que no seu artigo 14 crea o Consello Asesor de Investigación e Desenvolvemento Tecnolóxico de Galicia e no artigo 15 establece entre as súas funcións as de propoñer obxectivos para a súa incorporación ó plan galego, propoñerlle á comisión a incorporación ó plan galego daqueles programas que considere importantes, emitir informe sobre o anteproxecto do plan e emiti-los informes que lle sexan requiridos pola comisión interdepartamental de cara á elaboración da memoria anual, e por proposta do conselleiro de Educación e Ordenación Universitaria, en uso das atribucións que lle confire a Lei 1/1983, do 22 de febreiro, reguladora da Xunta e do seu presidente, e logo de deliberación do
Consello da Xunta de Galicia na súa reunión do día vinteún de novembro de mil novecentos noventa e seis,
DISPOÑO:
Artigo único.
De acordo co disposto no Decreto 141/1995, do 10 de maio, polo que se establece a composición do Consello Asesor de Investigación e Desenvolvemento Tecnolóxico de Galicia, noméanse para formar este consello as seguintes persoas:
1. Presidente: Manuel Bao Iglesias, por proposta do conselleiro de Educación e Ordenación Universitaria.
2. Vocais:
-José Sergio Casas Fernández, por delegación do rector da Universidade de Santiago de Compostela.
-Esther Fernández Fernández, por delegación do rector da Universidade da Coruña.
-José E. Tojo Suárez, por delegación do rector da Universidade de Vigo.
-José Manuel Touriñán López, director xeral de Universidades e Investigación da Consellería de Educación e Ordenación Universitaria.
-Diego Díz Fernández, director xeral do Instituto Galego de Promoción Económica (Igape).
-Pablo Figueroa Dorrego, secretario xeral da Consellería da Presidencia e Administración Pública.
-María Cruz Mato Iglesias, delegada do Consello Superior de Investigacións Científicas en Galicia.
-Antoliano Díez Melero, por proposta e en representación da Confederación de Empresarios de Galicia.
-Javier Sobrini Puentes, por proposta e en representación da Confederación de Empresarios de Galicia.
-José Manuel Pose Mesura, por proposta e en representación da organización sindical Unión Xeral de Traballadores de Galicia.
-Manuel Varela Varela, por proposta e en representación da organización sindical Comisións Obreiras de Galicia.
-José Luis Calvo Sanz, por proposta do presidente da Comisión Interdepartamental de Ciencia e Tecnoloxía de Galicia (Cicetga), e en representación dela.
-Ramón Bescansa de la Gándara, por proposta do presidente da Comisión Interdepartamental de Ciencia e Tecnoloxía de Galicia (Cicetga), e en representación dela.
-José Manuel Cortizo Soñora, por proposta do presidente da Comisión Interdepartamental de Ciencia e Tecnoloxía de Galicia (Cicetga), e en representación dela.
-Joaquín Garrido Vázquez, por proposta do presidente da Comisión Interdepartamental de Ciencia e Tecnoloxía de Galicia (Cicetga), e en representación dela.
-Secretario, o subdirector xeral do Plan Galego de Investigación e Desenvolvemento Tecnolóxico.
Disposición derradeira
O presente decreto entrará en vigor o mesmo día da súa publicación no Diario Oficial de Galicia.
Santiago de Compostela, vinteún de novembro de mil novecentos noventa e seis.
Manuel Fraga Iribarne
Presidente
Celso Currás Fernández
Conselleiro de Educación e Ordenación Universitaria
96-8556