Visto o expediente instruído para a provisión de rexistros da propiedade vacantes, en virtude de concurso entre aspirantes aprobados nas últimas oposicións convocado por resolución da Dirección Xeral dos Rexistros e do Notariado do 5 de setembro de 1996 (BOE do 17), e de conformidade cos artigos 284 da Ley hipotecaria, 513 do Regulamento para a súa execución e 17 da Lei de réxime xurídico da administración do Estado.

Visto tamén o que dispón o artigo 26.1º do Estatuto de autonomía de Galicia, aprobado pola Lei orgánica 1/1981 e os decretos da Xunta de Galicia 13/1994, do 20 de xaneiro, e 292/1996, do 26 de xullo, e demais disposicións legais autonómicas pertinentes, esta consellería, para prove-los rexistros da propiedade vacantes establecidos no territorio desta Comunidade Autónoma, outórgalle nomeamento a:

-José Antonio Ferreño Villar, rexistrador de Ponferrada nº 1, para o rexistro de VIGO nº 1 (Pontevedra).

-Francisca Núñez Villar, rexistradora de Ribadeo, para o rexistro de Corcubión (A Coruña).

-Cristina Rollán Salgado, rexistradora de Verín, para o rexistro do Carballiño (Ourense).

-Jesús Fernández Brea, rexistrador de Celanova, para o rexistro de Ortigueira (A Coruña).

Santiago de Compostela, 12 de novembro de 1996.

Jesús C. Palmou Lorenzo

Conselleiro de Xustiza, Interior e Relacións Laborais

Sr. Director Xeral de Xustiza e Administración Local

96-8602