De conformidade co disposto no artigo 31 do regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, sométese a información pública a solicitude de Unión Eléctrica-Fenosa, S.A., co enderezo na rúa Fernando Macías, nº 2, 15004-A Coruña, como entidade beneficiaria, de declaración de urxente ocupación para imposición de servidumes de paso de:

-Liña eléctrica a 20 kV desde a subestación de Sada ata a liña Breixo-Mera, no termo municipal de Oleiros (Expte. 105-1-/1995).

-Liña eléctrica a 15/20 kV dobre circuíto Meirama-Mesón do Vento, no termo municipal de Ordes (Exte. 122/1995).

As declaracións de utilidade pública, das referidas instalacións, que foron outorgadas con datas do 1 e 11 de xuño de 1996 respectivamente, levan implícitas en todo caso, a necesidade de ocupación dos bens ou adquisición dos dereitos afectados, así como a imposición da servidume de paso de enerxía eléctrica, segundo o artigo 14.1º do Decreto 2619/1966.

En consecuencia, calquera persoa dentro dos quince días seguintes ós da publicación deste anuncio que se inserirá no Diario Oficial de Galicia, no BOP e no xornal El Ideal Gallego, e os interesados propostos como titulares dos predios afectados contidos na relación anexa, cos que non foi posible o mutuo acordo, ós que se lles practicará notificación individual, conforme o artigo 16 do Decreto 2619/1966, poderán aportar por escrito os datos oportunos para rectificar posibles erros na relación indicada, así como formula-las alegacións en razón do disposto nos artigos 25 e 26 do decreto; para tal efecto estará exposto nesta delegación, sita no edificio administrativo Monelos, s/n, 15071 A Coruña, en horas de oficina, o expediente cos planos de situación e perfil das instalacións.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así, dirixir ó Ministerio Fiscal ás dilixencias que se produzan destes, de conformidade co artigo 5 da Lei de expropiación forzosa do 16 de decembro de 1954.

Infórmase os propietarios que a entidade beneficiaria facilitará por xestión directa na mesma ou

por escrito que se reciba nesta delegación os datos para identificación dos bens que se afectan; e que, de outorgarse a declaración de urxente ocupación solicitada, seguirá o proceso nas súas fases de expropiación, determinación do prezo xusto, e pagamento

da indemnización que acorde o Xurado Provincial de Expropiación, en cada caso.

A Coruña, 15 de outubro de 1996.

Juan Ignacio Lizaur Otero

Delegado provincial da Coruña

Relación de propietarios, bens e dereitos afectados

Expediente nº: 105-1/1995Provincia: A Coruña

Liña 20 kV Sub. Sada a L.M.T. Breixo-MeraConcello: Oleiros

ApoioVoo

NºParaxeCultivoNome e apelidosDomicilionºmmlm

Relación de propietarios, bens e dereitos afectados

Expediente nº: 122-1/1995Provincia: A Coruña

Liña: 15/20 kV Meirama-Mesón do VentoConcello: Ordes

ApoioVoo

NºParaxeCultivoNome e apelidosDomicilionºmmlm