A Deputación Provincial de Lugo, en sesión celebrada o día 29 de xullo de 1996, aprobou o proxecto de 17 RVL 96, Ourol, alargamento e mellora E.P. 38-01, de Ourol a Lobeiras, p.q. 5,950, e na mesma sesión acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Calidade Medioambiental e Urbanismo da Consellería de Política Territorial, Obras Públicas e Vivenda emitiu informe favorable. O dito informe tivo entrada no rexistro xeral da Consellería de Xustiza, Interior e Relacións Laborais o día 4 de outubro 1996, nº 9723.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque se trata dunha obra que figura no programa sectorial de mellora da rede viaria local cofinan
ciado con fondos estatais e prazo de execución inexorable, ademais da motivación socioeconómica que motiva este procedemento ó incidir na notable mellora das comunicacións intermunicipais desta provincia.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomia de Galicia.
Na súa virtude e por proposta do consellerio de Xustiza, Interior e Relacións Laborais, e logo de deliberación do Consello da Xunta de Galicia na súa xuntanza do día trinta e un de outubro de mil novecentos noventa e seis,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, pola Deputación Provincial de Lugo para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto 17 RVL 96, Ourol, alargamento e mellora E.P. 38-01, de Ourol a Lobeiras, p.q. 5,950.
Santiago de Compostela, trinta e un de outubro de mil novecentos noventa e seis.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Relacións Laborais
7908