Visto o expediente do convenio colectivo para a empresa Club de Campo de Vigo, que tivo entrada nesta delegación provincial o día 21-8-1996, subscrito en representación da parte económica por unha representación da empresa, e da parte social, polos delegados de persoal con data 2-5-1996. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación de Pontevedra,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no Diario Oficial de Galicia.
Vigo, 23 de agosto de 1996.
Ramón Hermo Rey
Delegado provincial en funcións de Pontevedra
Convenio colectivo da empresa Club de Campo de Vigo
Artigo 1º.-Ámbito.
O presente convenio será de aplicación no centro de traballo da empresa Club de Campo de Vigo, existente no momento da súa sinatura e, por extensión, a calquera lugar onde o persoal do cadro de persoal do dito centro puidese presta-los seus servicios a este.
Artigo 2º.- Vixencia.
O presente convenio terá unha vixencia de dous anos, entrando en vigor a partir do 1º de xaneiro
de 1996 e rematando o 31 de decembro de 1997. Calquera que sexa a data da súa sinatura ou publicación no BOP, os efectos económicos retrotraeranse ó 1º de xaneiro.
Artigo 3º.-Retribucións salariais.
As retribucións salariais serán as que figuran na táboa anexa.
Para o ano 1997, establecerase un incremento igual ó do IPC do ano 1996 máis 0,5 puntos.
Artigo 4º.-Antigüidades.
Os aumentos por antigüidade serán calculados por trienios desde o ingreso na empresa do traballador. Aboaranse a razón de:
1º trienio: 8%
2º trienio: 16%
3º trienio: 20%
4º trienio: 23%
5º trienio: 25%
6º trienio: 35%
7º trienio: 40%
8º trienio: 50%
A partir dos vintecinco anos de antigüidade, o 60%.
Artigo 5º.-Pagas extraordinarias.
Todo o persoal percibirá 4 pagas extraordinarias, que serán aboadas nas seguintes datas: 10 de marzo, 15 de xullo, 10 de outubro e 21 de decembro.
O importe das pagas extraordinarias será de trinta días (30) de salario real base máis antigüidade. En ningunha delas se computará a prima de asistencia nin o plus de transporte.
Artigo 6º.-Plus de transporte.
Por este concepto cobrarase a cantidade de 460 ptas. por día de traballo efectivo.
Artigo 7º.-Plus de asistencia.
Por este concepto cobrarase a cantidade de 245 ptas. por día de traballo efectivo.
Artigo 8º.-Xornada.
A xornada semanal será de 40 horas de traballo efectivo, é dicir, 1.800 horas ó ano.
Artigo 9º.-Vacacións.
Tódolos traballadores que se regulen por este convenio terán dereito a trinta días (30) naturais de vacacións ininterrompidas. Non obstante, no presente ano 1996, desfrutarán 5 días máis, a cambio de non desfrutalas nos meses de xuño, xullo e agosto e desde o período abranguido entre o 20 de decembro de 1996 e o 10 de xaneiro de 1997 (ambos inclusive). Nestes cinco (5) días extraordinarios non se descontarán os pluses de asistencia nin de transporte. As vacacións serán rotativas.
Artigo 10º.-Descanso.
O club permanecerá pechado o día un de xaneiro de 1997, despois de remata-la festa de fin de ano.
Artigo 11º.-Licencias.
O persoal terá dereito a que se lle conceda permiso con percepción dos salarios correspondentes nos seguintes casos e polo tempo que se expresa:
a) Por matrimonio: 20 días naturais.
b) Por nacemento dun fillo: 3 días naturais.
c) Por enfermidade grave ou falecemento de parentes de primeiro e segundo grao de consanguinidade e afinidade: 3 días naturais.
d) Por traslado de domicilio habitual: 1 día natural.
Calquera traballador que teña que trasladarse fóra da provincia por calquera dos motivos anteriormente citados, terá dereito a dous días máis.
Artigo 12º.-Enfermidade.
En caso de accidente de traballo con baixa de internamento, completarase a prestación da Seguridade Social ata o 100% do salario base.
Artigo 13º.-Horas extraordinarias.
Para o presente ano 1996, as horas extraordinarias que se realicen serán devengadas de acordo co establecido no artigo 35 do Estatuto dos traballadores e demais disposicións xerais.
Artigo 14º.-Revisión médica.
Realizáraselle por conta da empresa unha revisión médica anual a todo o persoal. Esta revisión farase preferentemente en novembro.
Artigo 15º.-Roupa de traballo.
A todo o persoal afectado por este convenio que necesite para o seu traballo uniforme ou roupa adecuada, a empresa proporcionaralle muda de acordo coas súas necesidades. A revisión de vestiario farase preferiblemente en primavera.
Artigo 16º.-Dereito sindical.
O representante dos traballadores deberá ser informado dos plans da empresa por parte do xerente desta.
Artigo 17º.-Lexislación subsidiaria.
En todo o non expresamente considerado neste convenio, haberá que aterse ó que dispoñan as normas de vixente aplicación.
Artigo 18º.-Comisión paritaria.
Constitúese unha comisión paritaria como órgano de interpretación e vixilancia do cumprimento do convenio e comporase dun presidente, un secretario e un vocal de cada unha das partes, social e económica.
Serán presidentes e secretarios os actuais titulares da negociación do convenio e, no seu defecto, os
designados pola comisión. Ámbalas partes acordan someter a esta comisión cantas dúbidas, discrepancias ou conflictos puidesen derivarse como consecuencia da aplicación, desenvolvemento ou aplicación do convenio, para que esta emita o seu informe como trámite previo, antes de acudir á xurisdicción correspondente.
Artigo 19º.-Comedores.
Tódolos traballadores incluídos en cadro de persoal terán dereito a manutención sempre que o requiran as necesidades do servicio.
Considéranse necesidades do servicio:
a) Cando o traballador teña menos dunha hora de descanso entre xornada e xornada de traballo.
b) Cando a xornada sexa continua non se descontarán nin o tempo nin haberes por manutención.
c) As que non estean incluídas nestes apartados poderán comer na empresa, pagando unha cantidade que fixará a xerencia ó respecto.
Artigo 20º
Este convenio negociárono:
Pola parte económica:
Ramón González-Babé Ozores (presidente).
Juan Manuel Cividanes Barreras (tesoureiro).
José Laureano Iglesias Caride (xerente).
Pola parte social:
Hipólito Rodríguez Viéitez (delegado).
Manuel Fernández Alfaya (cociña).
Estes dous últimos traballadores foron elixidos polo resto do persoal en asemblea para a súa representación.
ANEXO
Táboa salarial do convenio colectivo da empresa Club de Campo de Vigo. Ano 1996
Categorías Salario bruto Grat. Vol. Absor.
Persoal administrativo Xerente 246.700 Oficial 1ª 115.619 13.515 Oficial 2ª 95.931 Auxiliar administrativo 74.037 Aspirante Advo. (17 anos) 47.266 Aspirante advo. (16 anos) 29.413
Persoal subalterno Consexe 88.146 11.534 Axudante de conserxe 86.999 Porteiro 73.492 Mozo de recados de 17 anos 50.630 Mozo de recados de 16 anos 29.413 Cuidador de pistas 86.999
Persoal obreiro Xardineiro 93.603 Vixilante nocturno 86.999 Especialista 86.999 Peón 79.626 Encargado de limpeza 82.094 36.585
Categorías Salario bruto Grat. Vol. Absor.
Limpador 82.094
Persoal bar-restaurante Encargado 173.281 19.665 Subencargado 124.288 19.665 Camareiro 86.999 Axudante de camareiro 73.491 Aprendiz camareiro 17 anos 47.265 Aprendiz camareiro 16 anos 29.413 Xefe de cociña 136.636 Cociñeiro 105.263 Axudante de cociña 82.094 Pinche cociña 82.094 Pinche cociña (17 anos) 47.361 Pinche cociña (16 anos) 29.397
7793
