Por resolución deste centro directivo do 17 de setembro de 1996 (DOG nº 186, do 23 de setembro), decláranse con carácter provisional os aspirantes admitidos e excluídos para participar no concurso-oposición para o ingreso nas categorías incluídas na oferta pública de emprego para o ano 1995 do persoal laboral do complexo hospitalario Santa María Madre-Doutor Cabaleiro Goás de Ourense, convocado por Resolución do 8 de abril de 1996.
Rematado o prazo previsto na dita resolución para emendar, se fose o caso, o defecto que motivou a exclusión dos aspirantes, procede agora, de conformidade co disposto na base cuarta da convocatoria, dictar resolución na que se publican as listas definitivas de aspirantes admitidos e excluídos para cada unha das categorías convocadas, sinalando os lugares onde estas poden ser examinadas, por todo isto, esta dirección xeral,
ACORDA:
Primeiro.-Publica-las listas definitivas de aspirantes admitidos e excluídos para participar no concurso-oposición para o ingreso nas categorías incluídas na oferta pública de emprego para o ano 1995 do persoal laboral do complexo hospitalario Santa María Madre-Doutor Cabaleiro Goás de Ourense, convocado por Resolución do 8 de abril de 1996.
Segundo.-De conformidade co disposto no apartado 4 da base cuarta da convocatoria a estimación ou, se é o caso, a desestimación das peticións de emenda dos listados provisionais de admitidos e excluídos entenderanse implícitas na presente resolución.
Terceiro.-Os listados coa relación definitiva de aspirantes admitidos e excluídos poderán examinarse nos seguintes lugares:
a) Na Secretaría Xeral da Consellería de Sanidade e Servicios Sociais.
b) Na Dirección Xeral de Recursos Humanos do Servicio Galego de Saúde.
c) Nas delegacións provinciais da Consellería de Sanidade e Servicios Sociais.
d) Nas direccións provinciais do Servicio Galego de Saúde.
e) No servicio de persoal do propio complexo hospitalario Santa María Madre-Doutor Cabaleiro Goás de Ourense.
Cuarto.-A presente resolución poderá ser impugnada polos interesados nos termos previstos no apartado 3 da base novena da Resolución do 8 de abril de 1996.
Santiago de Compostela, 16 de outubro de 1996.
Valeriano Martínez García
Director xeral de Recursos Humanos
6113