Esta consellería, unha vez cumpridos os trámites administrativos correspondentes, resolveu anunciar concurso de procedemento aberto da obra, declarada de urxencia que se cita:

Reparación 1ª fase: substitución de cuberta no C.P. Carrero Blanco de Arteixo (A Coruña).

Orzamento de licitación: trinta e sete millóns duascentas oitenta e dúas mil setenta e cinco pesetas (37.282.075).

Non se admiten variantes económicas.

Prazo de execución: 4 meses.

Clasificación requirida: grupo C, categoría D.

Exposición de proxectos: o proxecto e mailo prego de cláusulas administrativas particulares estarán de manifesto na Subdirección Xeral de Construccións e Equipamento, da secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das 9 ás 14 horas. O prego de cláusulas administrativas particulares tamén se poderá examinar nas delegacións provinciais de educación.

Prazo de presentación de proposicións: rematará o décimo terceiro día natural contado a partir do día seguinte ó da publicación desta resolución no Diario Oficial de Galicia.

Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, haberá que aterse ó disposto na cláusula 8.1 do prego das administrativas particulares.

Documentación que presentarán os licitadores: a especificada nas cláusulas 8.2, 8.3 e 8.4 do prego das administrativas particulares.

Exame da documentación: a mesa de contratación cualificará as documentacións presentadas e publicará a continuación no taboleiro de anuncios desta consellería, o resultado da dita cualificación, co fin de que se emenden, dentro do prazo que se

indique, os defectos materiais observados na documentación.

Apertura de proposicións: realizara a mesa de contratación ás 12 horas do sexto día hábil seguinte ó de terminación do prazo, na sala de xuntas desta consellería.

O importe deste anuncio será por conta da empresa adxudicataria.

Santiago de Compostela, 16 de outubro de 1996.

Máximo García Serrano

Secretario xeral da Consellería de Educación e Ordenación Universitaria

5186