En autos de executivo nº 275/1994, seguidos por instancia do Banco Bilbao Vizcaya, S.A., contra Ignacio Varela Couselo, Manuel A. Varela Couselo e Mª del Mar Garabal Merelas, dictouse o seguinte auto:
«En Santiago de Compostela, dous de setembro de mil novecentos noventa e seis.
Os anteriores escritos presentados polo procurador García-Piccoli Atanes xúntense ós autos da súa razón.
Feitos:
Primeiro.-Nos presentes autos de xuízo executivo nº 234/1995, mediante dilixencia con data 16 de novembro de 1995 e 27 de decembro de 1995, embargáronselles ós demandados nos presentes autos, Ignacio Varela Couselo, Manuel Ángel Varela Couselo e Mª del Mar Garabal Merelas, os bens que nela se describen, e presentou a parte demandante, posteriormente, un escrito no que solicitaba mellora de embargo da parte proporcional do soldo que percibe Ignacio Varela Couselo da empresa Clenplam, S.A. e o dereito de traspaso, maquinarias
e existencias dos locais de negocio sitos en Agra de Bragua, 50 e Espírito Santo, 47, de Santiago de Compostela, a nome de Mª del Pilar Garabal Merelas e Manuel A. Varela Couselo, por considerar que os bens embargados no seu momento poden ser insuficientes para responder do reclamado.
Razoamentos xurídicos:
Único.-Examinadas as circunstancias que concorren no presente caso, conforme o disposto no artigo 1455 da Lei de axuízamento civil, debe considerarse procedente a mellora do embargo solicitada, xa que pode dubidarse fundadamente da suficiencia dos bens embargados para cubrir principal, xuros e custas.
Visto o artigo citado e demais de pertinente e xeral aplicación, eu, Leonor Castro Calvo, maxistrada-xuíza deste Xulgado de Primeira Instancia e Instrucción número tres de Santiago de Compostela, dispoño que debía acordar e acordaba a mellora de embargo solicitada da parte proporcional do soldo que percibe Ignacio Varela Couselo da empresa Clenplam, S.A. e do dereito de traspaso, maquinarias e existencias nos locais de negocio sitos en Agra de Bragua, 50 e en Espírito Santo, 47, de Santiago de Compostela, a nome de Mª del Carmen Garabal Merelas e Manuel A. Varela Couselo. Notifíqueselles ós demandados a través da oficina de notificacións e embargos desta cidade e do Diario Oficial de Galicia.
Tense por designado pola parte demandante como depositario de vehículo marca Ford Escort Orion 1.8 D, matrícula C-9287-AX a Juan Otegui Mández, a quen se lle fará saber esta designación en legal forma, para efectos de aceptación do cargo. Unha vez conste a dita aceptación, acordarase respecto á entrega do dito vehículo.
Así, por este auto, dispóñoo, mándoo e asínoo».
E para que conste e lle sirva de citación ó demandado Ignacio Varela Couselo, mediante a súa publicación no Diario Oficial de Galicia, expido a presente cédula, que asino e selo en Santiago de Compostela o dous de setembro de mil novecentos noventa e seis.
O secretario xudicial
Rubricado
9606679