O Decreto 199/1996, do 2 de maio, prorroga o prazo de vixencia do Decreto 142/1992, do 5 de xuño (DOG do 15 de xuño), sobre subvencións a fondo perdido para rehabilitación de vivendas familiares no medio rural de Galicia, e dispón que o prazo de presentación de solicitudes se determinará por orde da Consellería de Política Territorial, Obras Públicas e Vivenda que será publicada no Diario Oficial de Galicia.
Así mesmo o prorrogado Decreto 142/1992, do 5 de xuño, na súa disposición derradeira primeira faculta o conselleiro de Ordenación do Territorio e Obras Públicas, actualmente Política Territorial, Obras Públicas e Vivenda, para dictar, no marco das súas competencias, as disposicións que cumpran para o desenvolvemento e aplicación do devandito decreto.
En uso da referida autorización,
DISPOÑO:
Artigo 1º
Para os efectos do disposto no apartado segundo do artigo 1º do Decreto 199/1996, do 2 de maio, determínase:
1. O prazo de presentación de solicitudes de subvencións a fondo perdido para rehabilitación de vivendas familiares no medio rural de Galicia comezará o día seguinte ó da publicación da presente orde.
2. As solicitudes axustaranse ó modelo establecido que figura no anexo II da presente disposición.
3. A finalización do prazo de presentación de solicitudes determinarase no seu día en función dos recursos orzamentarios e do número de solicitudes presentadas.
Artigo 2º
Para efectos do disposto no artigo 5º do Decreto 142/1992, o catálogo de traballos e prezos máximos é o que figura no anexo I da presente orde.
Artigo 3º
A concesión destas axudas instrumentarase financeiramente durante o presente exercicio a través do crédito consignado na aplicación 06.50.331A.781.0 dos orzamentos xerais da Comunidade Autónoma de Galicia para 1996 e nos sucesivos exercicios subordinarase ós créditos que se consignen nos orzamentos xerais da Comunidade Autónoma de Galicia e ó establecido na Lei 11/1992, do 7 de outubro, de réxime financeiro e orzamentario de Galicia con respecto ós gastos plurianuais.
Artigo 4º
Continúan vixentes as disposicións das ordes do 28 de xullo de 1992 (DOG do 17 de agosto), do 8 de febreiro de 1993 (DOG do 25 de febreiro), e do 5 de xullo de 1993 (DOG do 16 de xullo) en canto non contradigan o disposto na presente norma.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 1 de outubro de 1996.
José Cuíña Crespo
Conselleiro de Política Territorial, Obras Públicas e Vivenda
ANEXO I
Nº Ord. Actuacións Ud. Prezo máximo
Actuacións con protección especial.
I.-Acabamentos de fachada segundo a tipoloxía da zona.
E026 Cachotería con espesor de polo menos 25 cm m 12.000 E029 Peza especial de pedra labrada, lintel, peaña, perpiaño, bufarda, cornixa, escudo, etc. O prezo desta unidade xustificarase mediante orzamento específico Ud Para xustificar E030 Pintura impermeable en fachadas; descontaranse os ocos m 1.200 E031 Selado de xuntas en fachadas con argamasa de cementro branco coloreado segundo o tipo de pedra da zona m 1.100 E052 Enfoscado mestreado e alisado en paramentos verticais exteriores pintado con pintura impermeable m 2.700 E053 Limpeza de fachadas de pedra con auga ou con area a presión m 800 E055 Repicado de enfoscados en fachadas m 700
II.-Carpintería exterior segundo a tipoloxía da zona.
E054 Pintura ou restauración de carpintería exterior m 3.000 E056 Porta de balcón con contra de madeira para pintar ou vernizar, mesmo ferraxes de colgar, seguridade e acristalamento m 31.000 E033 Porta de balcón de aluminio lacado ou PVC incluído acristalamento m 24.000 E034 Elemento singular de ferro forxado, balcón, reixa, ferraxe, etc., de acordo coa tipoloxía da construcción. O importe xustificarase mediante orzamento específico Ud Para xustificar E035 Porta de entrada á vivenda de madeira maciza, para vernizar ou pintar, incluídos ferraxes de colgar e seguridade Ud 60.000 E057 Porta de entrada á vivenda de aluminio lacado ou PVC incluído acristalamento Ud 54.000 E036 Ventá con contra de madeira para vernizar ou pintar mesmo ferraxes de colgar, seguridade e acristalamento m 32.000
Nº Ord. Actuacións Ud. Prezo máximo
E032 Ventá ou galería de aluminio lacado ou PVC incluído acristalamento m 25.000 E037 Elemento singular de madeira como galerías, balcóns, etc. O importe xustificarase mediante orzamento específico Ud Para xustificar
Outras actuacións.
III.-Obras dirixidas a garanti-las condicións hixiénico-sanitarias e de habitabilidade.
001 Arqueta de rexistro Ud 12.000 002 Encanamento de formigón m 2.500 004 Fosa séptica con capacidade para unhas 10 persoas sempre que se garantan as condicións mínimas de salubridade Viv. 115.000 006 Lavabo (incluídas billas con conexión á rede de auga fría e quente e desaugadoiro) Ud 21.000 008 Bañeira (incluídas billas con conexión á rede de auga fría e quente e desaugadoiro) Ud 23.000 009 Bidé (incluídas billas con conexión á rede de auga fría e quente e desaugadoiro) Ud 18.000 010 Inodoro (incluída conexión á rede de auga fría e desaugadoiro) Ud 20.000 011 Quentador de auga de 10 litros Ud 35.000 012 Conexión xeral de auga Viv. 24.000 013 Instalación de desaugadoiro para lavadora automática ou lavalouza Ud 5.600 014 Depósito de auga con capacidade de mil litros que non sexa visible desde o exterior Viv. 54.000 015 Rede interior de auga fría e quente Viv. 75.000 058 Instalación interior de gas Viv. 15.000
IV.-Cubertas segundo a tipoloxía da zona.
019 Cubrición de estructura de cuberta con tella curva. Medición en planta m 3.200 020 Cubrición de estructura de cuberta con lousa. Medición en planta m 4.500 048 Cubrición de estructura de cuberta con tella plana para reparación de cubertas feitas anteriormente con tella plana m 3.200 021 Cano vertical de pluviais PVC ou metálico pintado de 110 mm de diámetro m 2.500 022 Cano horizontal m 2.500 023 Formación de vertentes de cuberta con estructura de madeira ou mediante forxa de formigón armado. O elemento de cubrición deberá ser segundo a tipoloxía tradicional da zona m 5.000 024 Cuberta de tella curva completa. Inclúese a estructura de soporte (madeira, fibrocemento, etc.) e o material de cubrición m 8.200 025 Cuberta de lousa completa. Inclúese a estructura de soporte (madeira, fibrocemento, etc.) e o material de cubrición m 9.500
V.-Acondicionamento térmico, illamentos e estanquidade da vivenda.
039 Formación de cámara de aire con fábrica de ladrillo e illamento interior m 2.000 041 Dobre acristalamento con vidros incoloros, cámara e selado con xunta plástica m 8.300
Nº Ord. Actuacións Ud. Prezo máximo
042 Instalación completa en vivenda de calefacción Viv. 525.000
NOTA: o prezo da unidade 042 está calculada para unha superifice habitable de 100 m e mantense por superficies maiores. En caso de menor superficie o prezo reducirase da seguinte forma:
(Superficie habitable x prezo)/100
044 Unidade de acumulador eléctrico para tarifa nocturna Ud 72.000
VI.-Mellora das instalacións eléctricas e adecuación ó regulamento de baixa tensión.
045 Instalación de rede eléctrica en vivenda, totalmente terminada, mesmo conexión e mecanismos de protección conforme os vixentes regulamentos. Grao de electrificación medio Viv. 275.000
NOTA: o prezo desta unidade está calculado para unha superficie de 100 m útiles e mantense para superficies maiores. No caso de menos superficie habitable o prazo reducirase da seguinte forma:
(Superficie habitable x prezo)/100
VII.-Adaptación da vivenda para uso de minusválidos.
046 Adaptación da vivenda para uso de minusválidos. Supresión de barreiras arquitectónicas conforme a normativa vixente Viv. Para xustificar
VIII.-Supresión de elementos engadidos.
047 Obras que se realicen para a eliminación de elementos non tradicionais (plaquetas, fibrocemento, etc.), engadidos á edificación Viv. Para xustificar
NOTA: o importe xustificarase mediante orzamento específico.
IX.-Acabamentos interiores.
049 Porta de paso en madeira pintada ou vernizada incluídas ferraxes de colgar e seguridade Ud 18.000 017 Chan con pavimento cerámico ou terrazo pulido e abrillantado con rodapé m 3.800 018 Obra con azulexo. Descontaranse os ocos m 3.300 050 Chan con madeira incluído rodapé m 5.000 059 División interior a base de tabicón de ladrillo enfoscado. Para creación de novos aseos dentro dos límites da edificación existente m 2.400
X.-Reforzo e substitución parcial de elementos estructurais, quedando excluídas as reconstruccións totais das casas en ruina ou como consecuencia de demolicións de baleirados da edificación primitiva.
051 Reparacións de estructuras, substitución e reforzo de elementos estructurais Viv. Para xustificar
7263
