O artigo 5.2º do Decreto 442/1990, de avaliación do impacto ambiental para Galicia (DOG nº 188, do 25-9-1990), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental da solicitude de concesión de explotación directa Roxo 6651, sito no concello de Ribeira, solicitado pola empresa Ramilo, S.A.
Para os efectos informativos, porase a disposición dos administrados un exemplar del nas oficinas desta delegación provincial, sección de minas. As alegacións formularanse durante o prazo sinalado nas oficinas desta delegación provincial.
A Coruña, 6 de novembro de 1995.
Juan Lizaur Otero
Delegado provincial da Coruña
6969