O 6 de xuño de 1996, a Dirección Xeral de Industria a Consellería de Industria e Comercio da Xunta de Galicia autorizou as instalacións da rede de distribución de gas natural para usos industriais Pontecesures-Catoira. A dita aprobación, de acordo co

disposto nos artigos 10 e 13 da Lei 10/1987, do 15 de xuño, de disposicións básicas parra un desenvolvemento coordinado de actuacións en materia de combustibles gasosos, leva implícita a declaración de utilidade pública e urxencia na ocupación.

Na súa virtude, esta delegación provincial acordou convoca-los titulares dos bens e dereitos afectados na Casa do Concello onde radican os predios, como punto de reunión, para levar a cabo posteriormente o levantamento das actas previas á ocupación, de acordo co procedemento establecido no artigo 52 da Lei de expropiación forzosa do 16 de decembro de 1954.

Tódolos interesados, así como as persoas que sexan titulares de calquera clase de dereito ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e mailo último recibo da contribución, podéndose acompañar, pola súa conta, dos seus peritos e un notario se o consideran conveniente.

O levantamento de actas terá lugar no concello de Valga os días 30 de setembro, 1 e 2 de outubro de 1996 a partir das 9 horas. No concello de Catoira os días 3, 4, e 7 de outubro de 1996 a partir das 9 horas e no concello de Pontecesures o día 1 de outubro de 1996 a partir das 9 horas.

A orde de levantamento de actas comunicaráselle a cada interesado mediante a oportuna cédula de citación, figurando a relación de titulares convocados no taboleiro de edictos dos concellos sinalados.

É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedementoa dministrativo común, de notificación do presente acordo ós titulares descoñecidos e máis a aqueles con domicilio descoñecido.

No expediente expropiatorio, Enagás, S.A. asumirá a condición de beneficiaria, coas obrigas e dereitos establecidos nos artigos 2.2º da Lei de expropiación forzosa e 5 do seu regulamento.

Pontevedra, 3 de setembro de 1996.

Ramón Álvarez Abad

Delegado provincial de Pontevedra

9606485