O Pleno do Concello, en sesión celebrada o día 26 de xullo de 1996, aprobou inicialmente o proxecto de modificación singular número 6 das normas subsidiarias municipais de ordenación urbana, que ten por obxecto outorgarlle a cualificación de equipamento socio-cultural e administrativo a un terreo lindante coa Casa Consistorial, coa finalidade de emprazar unha serie de servicios administrativos próximos a esta, xa que están directamente relacionados con ela, ademais de dispoñer de espacio para un centro cultural.
Polo presente anuncio sométese a información pública o expediente polo prazo dun mes, período durante o que poderá ser examinado e formularse alegacións.
Ó propio tempo, faise pública a suspensión do outorgamento de licencias na área afectada.
Nigrán, 29 de xullo de 1996.
José Villar Pereira
Alcalde
9605951