O Pleno do Concello, en sesión do día 5-7-1996, acordou o seguinte:

Primeiro.-Aprobar inicialmente o estudio de detalle das parcelas 31-31 e 19, 20 e 21 da UE IV-02 Jenaro de la Fuente (expediente 3975/411), redactado polo arquitecto Martín Curty e visado polo COAG con data 26-2-1996.

Segundo.-Declarar que, en todo caso, a eficacia do acordo de aprobación definitiva deste estudio de detalle quedará condicionada a que, por parte da xunta de compensación urbanizadora do ámbito, e unha vez adoptado tal acordo, se tramite e presente para a súa aprobación por este concello a modificación do proxecto de compensación no que se reflicta a nova asignación de edificabilidade das parcelas obxecto deste estudio de detalle.

Terceiro.-Somete-lo expediente a información pública polo prazo de quince días, mediante a inserción de anuncios no DOG, BOP, un dos xornais de maior circulación da provincia e no taboleiro oficial de edictos da Casa do Concello, con notificación persoal ós propietarios do ámbito.

O que se fai público en cumprimento do punto 3º do acordo plenario, e signifícase que o prazo de exposición ó público se entenderá aberto desde a primeira publicación ata o remate dos quince días contados desde o derradeiro anuncio.

A documentación atópase na oficina municipal de información (baixo do concello).

Vigo, 20 de xullo de 1996.

Manuel Pérez Álvarez

Alcalde

AVISO PARA OS ANUNCIANTES

PREZOS PARA A PUBLICACIÓN DE ANUNCIOS

NO DOG A PARTIR DO 1 DE XANEIRO DE 1996

(Decreto 289/1995, do 3 de novembro,

DOG do 9 do mesmo mes)

-Tramitación ordinaria: 445 pesetas/liña de 54 espacios.

-Tramitación urxente: 890 pesetas/liña de 54 espacios.