O artigo 37.2º do Estatuto dos traballadores, segundo a redacción dada polo Real decreto lexislativo 1/1995, do 24 de marzo e o artigo 45 do Real decreto 2001/1983, do 28 de xullo, na súa redacción dada polo Real decreto 1346/1989, do 3 de novembro, determinan o calendario de festas laborais de ámbito nacional, de carácter retribuído e non recuperable. Respecto dalgunhas das festas de ámbito nacional, as comunidades autónomas teñen facultades de opción ou substitución por outras que por tradición lles sexan propias.
Facendo uso desas facultades e ó coincidir en domingo o 12 de outubro, Festa Nacional de España, considérase oportuno substituí-lo descanso laboral correspondente á dita festividade, incorporando á relación de festas da nosa Comunidade Autónoma para 1997, o 17 de maio, Día das Letras Galegas, que pola súa significación foi xa implantada como festa laboral noutras ocasións, seguindo así o criterio de manter unha certa estabilidade na determinación do calendario anual para conmemorar todo aquilo que forma parte da nosa historia e da nosa cultura.
En virtude do establecido na Constitución española e no artigo 29.1º do Estatuto de autonomía de Galicia, en relación co Real decreto 2412/1982, do 24 de xullo, sobre traspaso de funcións e servicios á Comunidade Autónoma de Galicia, asumidas e asignadas polo Decreto 117/1982, do 5 de outubro, oído ó Consello Galego de Relacións Laborais, por proposta do conselleiro de Xustiza, Interior e Relacións Laborais, e logo de deliberación
do Consello da Xunta de Galicia, na súa reunión do día trece de setembro de mil novecentos noventa e seis,
DISPOÑO:
Artigo 1º
Conforme o establecido no artigo 37.2º do Estatuto dos traballadores, na súa redacción dada polo Real decreto lexislativo 1/1995, do 24 de marzo e no artigo 45 do Real decreto 2001/1983, do 28 de xullo, modificado polo Real decreto 1346/1989, do 3 de novembro, de non producirse modificación no calendario laboral de carácter nacional, as festas laborais de carácter retribuído e non recuperable no territorio de Comunidade Autónoma de Galicia para o ano 1997 serán as seguintes:
1 de xaneiroAninovo
6 de xaneiroEpifanía do Señor
27 de marzoXoves Santo
28 de marzoVenres Santo
1 de maioFesta do Traballo
17 de maioDía das Letras Galegas
25 de xulloSantiago Apóstolo
Día Nacional de Galicia
15 de agostoAsunción da Virxe
1 de novembroTódolos Santos
6 de decembroDía da Constitución española
8 de decembroInmaculada Concepción
25 de decembroNatividade do Señor
Artigo 2º
Conforme o disposto no artigo 37.2º do Estatuto dos traballadores e no artigo 46 do Real decreto 2001/1983, do 28 de xullo, tamén serán inhábiles para o traballo, retribuídas e non recuperables, dúas festas locais, que serán determinadas polo delegado da Consellería de Xustiza, Interior e Relacións Laborais en cada unha das provincias da Comunidade Autónoma, por proposta do Pleno dos respectivos concellos, e publicaranse nos boletíns oficiais de cada provincia e no Diario Oficial de Galicia.
Artigo 3º
De acordo co que dispón o artigo 48.7º da Lei 30/1992, do 26 de novembro, do réxime xurídico das administracións públicas e do procedemento administrativo común, o calendario laboral anual terá efectos como calendario de días inhábiles en canto ó cómputo de prazos administrativos en Galicia.
Disposición derradeira
Este decreto producirá efectos a partir do día un de xaneiro de mil novecentos noventa e sete.
Santiago de Compostela, trece de setembro de mil novecentos noventa e seis.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Relacións Laborais
5840