Notifícaselle a Residencial Solana, S.L., con enderezo en Juan Flórez, 124 baixo, 15005 A Coruña, resolución desta alcaldía do teor literal seguinte:
«Resolución nº 3036/1996.
Na Casa Consistorial de Oleiros o dezasete de xullo de mil novecentos noventa e seis, o alcalde-presidente en funcións Alfredo Novoa Gil, dicta a seguinte resolución:
Visto expediente FG nº 256, sobre estudio de detalle para a ordenación de volumes sobre as parcelas W, X, Y, Z, do Plan Parcial de Icaria, en Montrove-Liáns, tramitado de oficio por este concello.
Resultando que, con data 27-6-1996, se emitiu informe técnico no que se formula proposta favorable á aprobación inicial.
Resultando que con data 2-7-1996, se emitiu informe xurídico no que se formula proposta favorable á aprobación inicial.
Considerando os artigos 91 e 117 do texto refundido da Lei sobre réxime do solo e ordenación urbana.
Considerando os artigos 65 e ss., 120 e 140 do Regulamento de planeamento.
Considerando a regulación contida no Real decreto-lei 5/1995, do 7 de xuño, de medidas liberalizadoras en materia de solo e colexios profesionais.
Veño en resolver:
Primeiro.-Aprobar inicialmente o estudio de detalle para a ordenación de volumes sobre parcelas W, X, Y, Z, denbtro do plan parcial de Icaria, en Montrove-Liáns.
Segundo.-Dilixencia-los planos e documentos que conforman o estudio de detale.
Terceiro.-Proceder á exposición ó público do citado expediente polo prazo de quince días hábiles, a través de anuncios no DOG e nun xornal dos de maior circulación da provincia, prazo no que se poderán presenta-las alegacións que se consideren oportunas.
Cuarto.-Nitificarlles a tódolos afectados o presente acordo para que no prazo de quince días poidan presentar alegacións.
Quinto.-Esta aprobación leva consigo a suspensión de licencias na área obxecto do estudio de detalle nos termos e co alcance descrito no artigo 120 do Regulamento de planeamento».
O que se notifica para os efectos oportunos.
Oleiros, 18 de xullo de 1996.
P.D.
Berta Rosón López
A secretaria accidental
6514