O 7 de maio de 1996, a Dirección Xeral de Industria da Consellería de Industria e Comercio da Xunta de Galicia autorizou as instalacións da rede de distribución de gas natural para usos industriais Pontevedra-Arcade. A dita aprobación, de acordo co disposto nos artigos 10 e 13 da Lei 10/1986, do 15 de xuño, de disposicións básicas para un desenvolvemento coordinado de actuación en materia de combustibles gasosos, leva implícita a declaración de utilidade pública e urxencia na ocupación.

Na súa virtude, esta delegación provincial, acordou convoca-los titulares dos bens e dereitos afectados na casa do concello onde radican os predios, como punto de reunión, para levar a cabo posteriormente o levantamento das actas previas a ocupación, de acordo co procedmeento establecido no artigo 52 da Lei de expropiación forzosa, do 16 de decembro de 1954.

Tódolos interesados, así comoa s persoas que sexan titulares de calquera clase de dereito ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade mailo último recibo da contribución, e poderase acompañar, poal súa conta, dos seus peritos e un notario, se o consideran conveniente.

O levantamento de actas terá lugar no Concello de Pontevedra os días 8, 9 e 10 de outubro de 1996, a partir das 9 horas.

A orde de levantamento de actas comunicaráselle a cada interesado mediante a oportuna cédula de citación. A relación de titulares convocados figura no taboleiro de edictos dos concellos sinalados.

É de significar que esta publicación realízase igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación do presente acordo ós titulares descoñecidos e mais aqueles con domiclio descoñecido.

No expediente expropiatorio Enagas, S.A. asumirá a condición de beneficiaria, coas obrigas e dereitos establecidos nos artigos 2.2º da Lei de expropiación foprzosa e 5 do seu regulamento.

Pontevedra, 11 de setembro de 1996.

Ramón Álvarez Abad

Delegaod provincial de Pontevedra

9606583