Por esta cédula, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a Zoilo Basanta León, adxudicatario da vivenda do expediente C-90, correspondente á conta
306 no grupo de vivendas de Santa Cristina (Palavea), bloque 10, portal 10-2º B da Coruña, que ante a imposibilidade de levar a cabo o lanzamento na data e hora inicialmente previstas, procederase a executalo o vindeiro día 27 de setembro ás 11 horas.
Para este acto comparecerán no seu domicilio José Ruiz Gómez ou Emilio Palacios Rivera, da empresa colaboradora na xestión e recadación de vivendas da Xunta de Galicia, Hnos. Alonso Garrán, S.L., debidamente autorizados con credencial asinada para o efecto polo director xeral do Instituto Galego da Vivenda e Solo, co auxilio das forzas de seguridade, e en virtude da autorización xudicial concedida para a entrada en domicilio de particulares polo Xulgado de Instrucción nº cinco da Coruña.
Para poder paraliza-lo dito acto poderá facer efectiva a débeda pendente maila recarga establecida, en calquera momento anterior ó lanzamento.
Poderá así mesmo deixar voluntariamente a vivenda que ten adxudicada, facendo entrega das chaves na Delegación Provincial do Instituto Galego da Vivenda e Solo.
Santiago de Compostela, 11 de setembro de 1996.
José Antonio Redondo López
Director xeral do Instituto Galego da Vivenda e Solo
6754