Eu, Fatima Vázquez Espiérrez, notaria de Mondoñedo, con despacho na r/ Obispo Solis, n1º 24-2º, fago saber que perante min se tramita procedemento extraxudicial de execución hipotecaria, nº de expediente 1-1996, do seguinte predio:

No termo municipal de Riotorto, parroquia de San Pedro, unha parcela de terreo no lugar de Tombo de Cornide, da superficie de cinco áreas, de forma irregular. Linda: norte, herdeiros de Manuel Rias, sur, estrada de Mondoñedo e Vilameá, leste sendeiro de baixa de San Pedro, e oeste, herdeiros de Pedro Bouso. Na parte superior deste predio atópase unha casa que é de dous corpos, alto baixo e faiado que mide uns sesenta e cinco metros cadrados e que linda: polo leste co sendeiro que baixaba de San Pedro, e que ten anexa unha pequena corte e ó norte un forno igualmente pequeno para coce-lo pan.

E que procedendo a poxa do dito predio, esta levarase a cabo baixo as seguintes condicións:

1. Sinálanse a primeira poxa para o día 15 de outubro, ás 11 horas, a segunda, se é o caso apra o día 13 de novembro, ás 11 horas; e a terceira, dado o caso, para o día 12 de decembro ás 11 horas; e no caso de mellora da oferta da terceira poxa, sinálase para a licitación entre os mellorantes e mellores licitadores para o día 20 de decembro ás 11 horas.

2. Tódalas poxas celebraránse na notaría.

3. O tipo para a primeira poxa é de vinteún millóns trescentas trinta e cinco mil pesetas, para a primeira; para a segunda, o setenta e cinco por cento da cantidade indicada, a terceira farase sen suxeición a tipo.

4. A documentación e a certificación rexistral poden consultarse na notaría. Entenderase que todo licitador acepta como bastante a titulación. As cargas, gravames e asinamentos anteriores á hipoteca que se executa continuarán subsistentes.

5. Os licitadores deberán consignar previamente na notaría o trinta por cento do tipo correspondente, ou o vinte por cento do da segunda poxa para tomar parte na terceira.

6. Só a adxudicación a favor do executante ou o remate a favor do mesmo ou dun acreedor posterior poderá facerse en calidade de ceder a un terceiro.

En Mondoñedo, 30 de agosto de 1996.

Rubricado

6675