Pedro Afonso Rodríguez, oficial do Xulgado de Primira Instancia e Instrucción de Muros e o seu partido xudicial, en funcións de secretario, fai saber que no xuízo de faltas seguidos neste xulgado co número 37/1995, se dictou sentencia que ten o encabezamento e resolución do seguinte teor:
En Muros, 9 de xullo de 1996.
Vistos por Mª Isabel Lado López, xuíza do Xulgado de Primeira Instancia e Instrucción de Muros e o seu partido xudicial, os presentes autos de xuízo de faltas tramitados co número 37/1995, por presunta falta de dano e no que foron partes, o Ministerio Fiscal, que exercitou a acción pública; como denunciante, Rocío Rúa Sendón, maior de idade, en ignorado paradoiro, quen non compareceu no acto do xuízo a pesar de estar citada en legal forma; como denunciado, Ricardo Fabeiro Roma, tamén maior de idade, sen domicilio coñecido, que non compareceu ó acto do xuízo a pesar de consta-la súa citación en forma; dictouse a seguinte sentencia en nome de S.M El Rei:
Resolvo que debo absolver e absolvo a Ricardo Fabeiro Roma de responsabilidade criminal polos feitos obxecto destas actuacións, e declaro de oficio as custas procesuais.
Que se lles notifique esta resolución ás partes, facéndolles saber que esta resolución non é firme e que contra ela cabe interpoñer recurso de apelación perante este xulgado e para ante a Audiencia Provincial da Coruña nos cinco días seguintes contados desde a súa notificación.
Así por esta miña sentencia pronúncioo, mándoo e asínoo.
E para que conste a súa inserción no Diario Oficial de Galicia e lles sirva de notificación a Ricardo Fabeiro Roma e Rocío Rúa Sendón, expido, selo e asino o presente edicto en Muros o dezanove de xullo de mil novecentos noventa e seis.
O secretario
Rubricado
5637