Por resolución do 15 de abril de 1996, da Dirección Xeral de Obras Públicas apróbase tecnicamente o proxecto de trazado das obras de alargamento e mellora da estrada LU-612 de Lugo a Portomarín. Treito Mougán-Portomarín, fase II río Ferreira-Portomarín, clave:N-LU.90.4.3.2.
En cumprimento do artigo 15 da Lei de estradas de Galicia, artigos 34 e 35 do Reglamento xeral de estradas, do 2 de setembro de 1994, e artigo 86 da Lei de réxime xurídico e procedemento administrativo común, sométese a información pública o proxecto de trazado aprobado tecnicamente, durante o prazo de trinta días hábiles contados a partir da publicación do presente anuncio no Boletín
oficial del Estado, e poderanse formular observacións sobre as condicións que xustifiquen a declaración de interese xeral da estrada ou sobre a concepción global do seu trazado.
Este trámite de información pública é tamén para efectos do cumprimento do previsto no decreto da Xunta de Galicia 442/1990, do 13 de setembro, da avaliación do impacto ambiental para Galicia.
O proxecto e a aprobación técnica deste pódense examinar nas oficinas da Xefatura Provincial, sitas na Ronda da Muralla 131, quinta planta, Lugo, e no concello de Portomarín.
Os escritos formulando observacións ó proxecto, dirixidos a esta xefatura, pódense presentar nas oficinas antes citadas de Lugo ou utilizando calquera das modalidades previstas, na vixente Lei de réxime xurídico e procedemento administrativo común.
Lugo, 29 de xullo de 1996.
José A. Cobreros Aranguren
Enxeñeiro xefe provincial de Estradas
6631