Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:
Solicitante: Barras Eléctricas Galaico-Asturianas, S.A.
Enderezo social: Cidade de Viveiro, 4-1º, Lugo.
Denominación: reelectrificación de Santa María de Felpas.
Situación: Outeiro de Rei.
Características técnicas: liñas de baixa tensión en conductor R.Z. 95-50-25, sobre apoios de formigón ou grampados sobre fachadas. Centro de transformación existente, para mellora do servicio eléctrico en Santa María de Felpas, concello de Outeiro de Rei.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:
Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Lugo, 17 de xullo de 1996.
Jesús Bendaña Suárez
Delegado provincial de Lugo
6131