Manuel Pérez Echenique, maxistrado-xuíz do Xulgado de Primeira Instancia e Instrucción número un dos de Santiago de Compostela e o seu partido, fai saber:
Que nos autos de xuízo executivo, seguidos co nº 107/1992, se dictou sentencia con data 20 de xullo de 1993, cun encabezamento e decisión do teor literal seguinte:
«Vistos por Manuel Pérez Echenique, maxistrado-xuíz de primeira instancia e instrucción número un desta cidade e o seu partido, os presentes autos de xuízo executivo, seguidos neste xulgado co nº 107/1992, entre partes, dunha, como demandante,
Banco de Galicia, S.A., con domicilio social en Vigo, representado en autos pola procuradora Sánchez Silva, e dirixido polo letrado Gesto Alonso e doutra, como demandados, Ángel González Piñeiro, María del Carmen Enrique González, José Luis Merelles Díaz e María José Sanchidrián Peregil, incomparecidos e en situación procesual de rebeldía, sobre póliza de préstamo.
Decido: que debo mandar e mando seguir adiante a execución despachada neste proceso contra José Ángel González Piñeiro, María del Carmen Enrique González, José Luis Merelles Díaz e María José Sanchidrián Peregil, facendo remate dos bens embargados e que se embarguen, e co seu producto enteiro e cumprido pagamento á parte executante Banco de Galicia, S.A., da suma principal de 1.455.698 pesetas, gastos, xuros pactados e custas causadas e que se causen, que preceptivamente se lle impoñen á parte debedora, á que lle será notificada esta resolución da forma e en modo que dispón a lei para os rebeldes; e fágolles saber ás partes que esta resolución non é firme e contra ela cabe recurso de apelación dentro de cinco días para ante a Audiencia Provincial da Coruña.
Lévese certificación ó preito principal.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que lles sirva de notificación ós demandados rebeldes Ángel González Piñeiro e María del Carmen Enríquez González, expido o presente edicto que asino e selo en Santiago de Compostela o vintecatro de maio de mil novecentos noventa y seis.
O maxistrado-xuíz
Rubricado
A secretaria
Rubricado
96-4978